“என்னது.. ரஜினியே கோமாளி பட டிரெய்லரைப் பாராட்டினாரா”.. ஜெயம் ரவி அறிக்கையால் ரசிகர்கள் ஷாக்!

கோமாளி டிரெய்லர்:

அதில் 16 வருடங்கள் ஜெயம் ரவி கோமாவில் இருந்து மீண்டெழுகிறார். அவரது நண்பன் யோகி பாபு, அந்த 16 வருடங்களில் ஏற்பட்டுள்ள மாற்றங்களை ஜெயம் ரவிக்கு உணர்த்துவது போல் காட்சிகள் அமைக்கப்பட்டுள்ளன. ஏரிகள் வீடுகளாக மாறியது, கலாச்சாரம், பண்பாட்டில் ஏற்பட்டுள்ள மாற்றங்கள் என இந்த உலகின் மாற்றங்களை கலாய்த்த வண்ணம் இருவரும் பயணிக்கிறார்கள்.

கமல் கோபம்:

டிரெய்லரின் முடிவில் ரஜினியின் அரசியல் பிரவேசத்தை கலாய்க்கும் காட்சிகள் இடம்பெற்றிருந்தன. இது சர்ச்சையை ஏற்படுத்தியது. ரஜினி ரசிகர் கோமாளிக்கு கடும் எதிர்ப்பு தெரிவித்தனர். மேலும் நடிகர் கமல், தயாரிப்பாளர் ஐசரி கணேசனுக்கு போன் செய்து, இந்த விவகாரம் குறித்து வருத்தப்பட்டார்.

அறிக்கை:

தயாரிப்பாளர் ஐசரி கணேஷ் மற்றும் இயக்குனர் பிரதீப் ரங்கநாதன் ஆகியோர் கூட்டாக அளித்த பேட்டியில், ‘ரஜினியின் அரசியல் பிரவேசத்தை கலாய்க்கும் காட்சிகள் நீக்கப்படும்' என உறுதியளித்தனர். அதன் தொடர்ச்சியாக இந்த விவகாரம் தொடர்பாக அப்படத்தின் நாயகன் ஜெயம் ரவியும் அறிக்கை ஒன்றை வெளியிட்டுள்ளார்.

ரஜினியின் பாராட்டு:

அதில் அவர், ‘தான் மிகப் பெரிய ரஜினி ரசிகன் என்றும், துரதர்ஷட விசமாக ரஜினி ரசிகர்களை புண்படுத்தும் வகையில் காட்சிகள் அமைத்துவிட்டதாகவும் வருத்தம்' தெரிவித்துள்ளார். மேலும், கோமாளி பட டிரெய்லரை ரஜினிகாந்த் பார்த்ததாகவும், கிரியேட்டியை கண்டு பாராட்டியதாகவும் அவர் குறிப்பிட்டுள்ளார். ரஜினி ரசிகர்களின் உணர்வுகளை மதித்து சம்மந்தப்பட்ட காட்சிகள் நீக்கப்படும் எனவும் அவர் அறிவித்துள்ளார்.