மோடி- ரஜினி போஸ்டர்: எங்களுக்குத் தெரியாது, சொல்வதற்கு ஒன்றுமில்லை- லதா ரஜினிகாந்த்

நாங்கள் என்ன சொல்வது- லதா ரஜினி

ரஜினிகாந்த்தின் மனைவி லதா ரஜினிகாந்த் இதுகுறித்து கூறுகையில், இதில் நாங்கள் சொல்வதற்கு ஒன்றும் இல்லை. அவர்கள்தான் போஸ்டர் போட்டுள்ளனர். இதற்கும், எங்களுக்கும் எந்த சம்பந்தமும் இல்லை. மீடியா வெளிச்சத்திலிருந்து விலகியிருக்கவே நாங்கள் விரும்புகிறோம் என்று கூறியுள்ளார் லதா.

கோச்சடையானில் மட்டுமே கவனம்

ரஜினி தரப்பில் சிலர் கூறுகையில் இப்போது ரஜினிகாந்த்தின் கவனம் முழுவதும் கோச்சடையான் படத்தில் மட்டுமே உள்ளது. வேறு எது குறித்தும் அவர் கவனம் செலுத்தவில்லை. குறிப்பாக அரசியலிலிருந்து அவர் வெகு தூரத்தில் ஒதுங்கியிருக்கிறார் என்று கூறுகின்றனர்.

15 வருடமாக இழுக்கப்படும் ரஜினி

கிட்டத்தட்ட கடந்த 15 வருடங்களாகவே பல்வேறு அரசியல்வாதிகளும் ரஜினியை அரசியல் பக்கம் இழுத்தபடி உள்ளனர். ஆனால் அவர்தான் சிக்கிக் கொள்ளாமல் லாவகமாக தப்பிக் கொண்டிருக்கிறார். பலமுறை அவர் தர்மசங்கடத்திலும் சிக்க நேரிட்டுள்ளது.

படம் வரும்போதெல்லாம்

ரஜினியின் புதுப் படம் வரும்போதெல்லாம் கூடவே அரசியலும் கிளம்பி வருவது தவிர்க்க முடியாததாகி விட்டது. ரஜினியே நினைத்தாலும் கூட இதைத் தடுக்க முடியாத நிலைதான்.

அரசியல் சார்பவற்றவர் ரஜினி

இதற்கிடையே திமுகவைச் சேர்ந்த ஒரு தலைவர் கூறுகையில் ரஜினி அரசியல் சார்பற்றவர் என்றே நாங்கள் உறுதியாக நம்புகிறோம். பாஜகவின் தந்திரத்திற்கு அவர் பலியாகமாட்டார் என்றும் நம்புகிறோம் என்றார்.