4 நாயகிகளுடன் நட்டி கதாநாயகனாக நடிக்கும் 'வெப்'...விறுவிறு த்ரில்லராக கார்த்திக்ராஜா இசையில்

கார்த்திக் ராஜா இசை

இவர்களுடன் மொட்ட ராஜேந்திரன், முரளி, தீப்ஸிகா, பாரதா நாயுடு மற்றும் ப்ரீத்தி உள்ளிட்டோர் முக்கிய கதாபாத்திரங்களில் நடிக்கின்றனர்.கார்த்திக் ராஜா இந்த படத்திற்கு இசையமைக்கிறார். கிறிஸ்டோபர் ஜோசப் ஒளிப்பதிவு செய்யும் இந்தப் படத்திற்கு படத்தொகுப்பை சுதர்சன் மேற்கொள்கிறார். காட்பாதர், மோகன்தாஸ் ஆகிய படங்களில் பணியாற்றிய அருண் சங்கர் கலை இயக்குனராக பொறுப்பேற்றுள்ளார்.

சிலந்தி வலையில் மாட்டிக்கொண்டு

3 பாடல்கள் உள்ள இப்படத்தில் சாண்டி மாஸ்டர், சிவசங்கர் மாஸ்டர் மற்றும் ஹரிஷ் கார்த்திக் ஆகியோர் நடனம் அமைத்துள்ளனர். அருண் பாரதி, ஆர்ஜெ விஜய் மற்றும் ஜெகன் கவிராஜ் ஆகியோர் பாடல்களை எழுதியுள்ளனர்.சிலந்தி வலையில் மாட்டிக்கொண்டு வெளியேற துடிக்கும் பூச்சிகளின் போராட்டத்தை போன்று இந்த கதை உருவாகி உள்ளதால் அதற்கு பொருத்தமாக 'வெப்' என டைட்டில் வைத்துள்ளனர். இந்த படத்தில் நட்டிக்கும் ஷில்பா மஞ்சுநாத் குரூப்புக்கும் நடக்கும் பூனை எலி ஆட்டம் விறுவிறுப்பாக இருக்கும்.

கோவா- இ.சி.ஆர்

ஐடி தொழில்துறை வளர ஆரம்பித்த பின்பு கிழக்குக் கடற்கரை சாலையில் புதிதாக உருவெடுத்த பார், பப் கலாச்சாரத்தை மையப்படுத்தி இந்தக் கதையை உருவாக்கியுள்ளார் இயக்குனர் ஹாரூன்.கோவா உள்ளிட்ட பகுதிகளில் இந்தப்படத்தின் படப்பிடிப்பை நடத்த முதலில் திட்டமிடப்பட்டு இருந்தாலும் கொரோனா பரவல் காரணமாக, சென்னை கிழக்குக் கடற்கரைச் சாலையில் இதன் படப்பிடிப்பை நடத்தியுள்ளனர்.படப்பிடிப்பு முடிவடைந்து போஸ்ட் புரடக்சன் பணிகள் விறுவிறுப்பாக நடைபெற்று வருகின்றன.

தனி வெரைட்டி

சண்டைப்பயிற்சி- ஃபயர் கார்த்திக்,ஆடை வடிவமைப்பு- டோரத்தி ஜெய்,நிர்வாக தயாரிப்பு- கே.எஸ்.கே செல்வா,புரொடக்ஷன் கண்ட்ரோலர்- பவித்ரன் என இந்த குழு மிகவும் மெனக்கெட்டு பல முயற்சிகள் செய்து உள்ளனர். விரைவில் இந்த படம் மக்களை மகிழ்விக்க இருக்கிறது . நிறைய திரில்லர் படங்கள் இதற்கு முன் வந்திருந்தாலும் இந்த படம் ஒரு தனி வெரைட்டி என்று இந்த குழு மிகவும் ஆழமாக நம்புகிறது. பொறுத்து இருந்து பார்ப்போம் .நல்ல திரில்லர் படங்களை மக்கள் என்றும் கைவிடுவது இல்லை