விக்னேஷ் சிவனுக்கு என்ன ஆச்சு.. அடுத்த படம் எப்போ.. இப்போதாவது சுதாரிப்பாரா?

இரண்டு ஆண்டுகள்

விக்னேஷ் சிவன் இயக்கத்தில் சூர்யா நடிப்பில் உருவான தானா சேர்ந்த கூட்டம் கடந்த ஆண்டு பொங்கலுக்கு வெளியானது. அதற்கு பிறகு கிட்டத்தட்ட இரண்டு ஆண்டுகள் ஆகியும் இதுவரை எந்தவொரு புதிய படத்தையும் இயக்குநர் விக்னேஷ் சிவன் தொடங்கவில்லை.

என்ன ஆச்சு?

சிம்புவின் போடா போடி, விஜய்சேதுபதியின் நானும் ரெளடி தான், சூர்யாவின் தானா சேர்ந்த கூட்டம் என பெரிய நடிகர்களின் படங்களை இயக்கி வந்த விக்னேஷ் சிவன் ஏன் இன்னும் தனது அடுத்த படத்தை தொடங்காமல் இருக்கிறார் என அவரது ரசிகர்கள் கேள்வி எழுப்பி வருகின்றனர்.

அந்த படமும் டிராப்?

சிவகார்த்திகேயன் நடிப்பில் விக்னேஷ் இயக்கத்தில் புதுப்படம் உருவாகும் என அண்மையில் செய்திகள் வெளியாகின. ஆனால், நடிகர் சிவகார்த்திகேயன், அடுத்ததாக நெல்சன் இயக்கத்தில் டாக்டர் படத்தில் நடித்து வருகிறார். இந்நிலையில், சிவகார்த்திகேயன் - விக்னேஷ் சிவன் படமும் டிராப் ஆனதாக கோலிவுட் வட்டாரங்கள் தெரிவித்து வருகின்றன.

பட்ஜெட் பிரச்சனை

விக்னேஷ் சிவன் இயக்கத்தில் சிவகார்த்திகேயன் நடிக்கவுள்ள பெரிய பட்ஜெட் லவ் ஸ்டோரிக்கு ஆரம்பத்தில் ஓகே சொன்ன லைகா நிறுவனம், தற்போது தயாரிக்க மறுத்துள்ளதாம். மற்றொரு தயாரிப்பு நிறுவனமும் இந்த படத்தை தயாரிக்க முன் வராமல் போன நிலையில், அந்த கதையை டிராப் செய்து விட்டு மீடியம் பட்ஜெட் கதையை எழுத விக்னேஷ் திட்டமிட்டு வருகிறாராம்.

நயன்தாராவுடன் கொண்டாட்டம்

நடிகை நயன்தாராவை 4 ஆண்டுகளாக காதலித்து வரும் இயக்குநர் விக்னேஷ் சிவன், அவ்வப்போது நடிகை நயன்தாராவுடன் கொண்டாடும் புகைப்படங்களை தவறாமல் சமூக வலைதளங்களில் பதிவிட்டு வருகிறார். சமீபத்தில் நயன்தாரா - விக்னேஷ் சிவன் கிறிஸ்துமஸ் கொண்டாட்டத்தின் போது எடுத்த புகைப்படங்களும் வைரலாகி வருகின்றன.

கம்பேக் ஆவாரா?

காதலில் மூழ்கி இருக்கும் விக்னேஷ் சிவன், தனது ரசிகர்களுக்காக இயக்குநர் விக்னேஷ் சிவனாக விரைவில் கம்பேக் ஆவாரா என அவரது ரசிகர்கள் சமூக வலைதளத்தில் கேள்வி எழுப்பி வருகின்றனர். இதற்கெல்லாம் தனது அடுத்த படத்தின் அதிகாரப்பூர்வ அறிவிப்பின் மூலம் விரைவில் பதில் அளிப்பார் என எதிர்பார்க்கிறோம்.