Don't Miss!
- Automobiles என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
- Lifestyle Today Rasi Palan 18 April 2024: இன்று இந்த ராசிக்காரர்கள் கடன் வாங்குவதைத் தவிர்ப்பது நல்லது...
- News ‛‛இளையராஜா எல்லோருக்கும் மோலானவர்கள் இல்லை’’.. பாடல் காப்புரிமை வழக்கில் சென்னை ஹைகோர்ட் கருத்து
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
விண்ணைத்தாண்டி வருவாயா 2 என்ன ஆனது? மறுபடியும் அந்த மேஜிக் நடக்குமா கெளதம் மேனன் சார்!
சென்னை: காதலை கண்களால் சொல்வதும், காதல் வலிகளால் இளைஞர்கள் இதயங்களை கொல்வதும் கெளதம் மேனனுக்கு கை வந்த கலை.
Recommended Video
ஆக்ஷன் படங்கள் எடுத்தாலும், அதிலும் வரும் சின்ன லவ் போர்ஷன் காதலர்களின் எனர்ஜி டானிக்காக இருக்கும்.
வேட்டையாடு விளையாடு படத்தில், கமல், கமாலினி முகர்ஜியை பார்த்து சொல்லும் அந்த ஒரு வசனமே இதற்கு உதாரணம்.
விண்ணைத்தாண்டி வருவாயா படம் வெளியாகி 10 ஆண்டுகள் ஆனதை கொண்டாடி வரும் வேளையில், அதன் இரண்டாம் பாகம் என்ன ஆனது என்ற கேள்வியும் எழுந்துள்ளது.
எவ்ளோ லவ் படம் வந்தாலும்... எங்களுக்கு மட்டும் ஏன் விண்ணைத்தாண்டி வருவாயா புடிக்குது? #10YearsOfVTV
ஜெஸ்ஸி மேஜிக்
விண்ணைத்தாண்டி வருவாயா படத்தை இப்போ பார்த்தாலும், புதுப் படமாகவே தோன்றும், சமீபத்தில் வெளியாகும் சில காதல் படங்கள், ஏன் இப்படி மொக்கை செய்றாங்க என்று கூட தோன்றும். அந்த அளவுக்கு, கார்த்தி - ஜெஸ்ஸி மேஜிக் விண்ணைத்தாண்டி வருவாயா படத்தில் நிறைந்திருக்கும்.
பிற மொழிகளில்
தமிழில் சிம்பு, த்ரிஷா நடிப்பில் விண்ணைத்தாண்டி வருவாயா வெளியான போதே, தெலுங்கில் நாக சைதன்யா, சமந்தா நடிப்பில் அந்த படம் ரீமேக் செய்யப்பட்டு அங்கும் வெற்றியை பதிவு செய்தது. ஆனால், விண்ணைத் தாண்டி வருவாயா படத்தை பாலிவுட்டில் எமி ஜாக்சன், பிரதீக் பாபரை வைத்து கெளதம் மேனன் இயக்கி இருந்தார். ஆனால், இந்தியில் படம் ஓடவில்லை.
விண்ணைத்தாண்டி வருவாயா 2
கடந்த 2018ம் ஆண்டு விண்ணைத்தாண்டி வருவாயா 2ம் பாகம் உருவாகப் போவதாகவும், அந்த படத்தில் சிம்புவுக்கு பதிலாக மாதவன் நடிப்பார் என்றும், 4 நண்பர்களை பற்றிய ஃபீல் குட் மூவியாக அந்த படம் உருவாகும் என்றும், கெளதம் மேனன் அறிவித்திருந்தார். ஆனால், கடன் பிரச்சனையில், சிக்கிய கெளதம் மேனன் அந்த படம் குறித்த அடுத்த அறிவிப்பை வெளியிடவில்லை.
மீண்டும் நடக்குமா?
விண்ணைத்தாண்டி வருவாயா படத்தின் 10வது ஆண்டு கொண்டாட்டம் சமூக வலைதளங்களில் வைரலாகி வருகிறது. சிம்புவும், திரிஷாவும், இன்றும் லீடிங் நட்சத்திரங்களாக கோலிவுட்டில் கலக்கி வருகின்றனர். சிம்பு - திரிஷா காம்பினேஷனில் புதிய கதைக்களத்துடன் விண்ணைத்தாண்டி வருவாயா 2 வருமா? என்பதே பல ரசிகர்களின் ஏக்கமாகவும், கோரிக்கையாகும் இருக்கிறது.
ஜோஷ்வா இமை போல் காக்க
கெளதம் மேனன் இயக்கத்தில் தனுஷ் - மேகா ஆகாஷ் நடிப்பில் லேட்டா ரிலீசான எனை நோக்கிப் பாயும் தோட்டா சரியாக போகவில்லை. வருண் நடிப்பில் உருவாகி வரும் ஜோஷ்வா இமை போல் காக்க திரைப்படம், பிப்ரவரி 14ம் தேதி வெளியாகும் என அறிவிக்கப்பட்டு இருந்தது. ஆனால், அதன் ரிலீஸ் தேதியும் தேதி குறிப்பிடாமல் தள்ளிப் போயுள்ளது.
துருவ நட்சத்திரம் எப்போ?
ஜோஷ்வா இமை போல் காக்க படத்தைத் தொடர்ந்து, விக்ரம் நடிப்பில் கெளதம் மேனன் இயக்கி வரும் துருவ நட்சத்திரம் படமும் எப்போது வெளியாகும் என்பது தெரியவில்லை. கோப்ரா, பொன்னியின் செல்வன் என பிசியாக இருக்கும் விக்ரம், கெளதம் மேனனுக்கு கால்ஷீட் ஒதுக்கினால் தான் அந்த படமும் ரெடியாகும். இந்த பட பிரச்சனைகள் எல்லாம் முடிந்தால், தான் கெளதம் அடுத்த படத்தை தொடங்குவார் என தெரிகிறது.