என்னாது, பும்ராவுக்கும்-தனுஷ் ஹீரோயினுக்கும் இடையே 'ல்தகா சைஆ'வா?

அனுபமா பரமேஸ்வரன்

ஜஸ்ப்ரீத் பும்ரா ட்விட்டரில் மொத்தம் 25 பேரை தான் பின்தொடர்கிறார். அவர் பின்தொடர்பவர்களில் ஒரேயொரு நடிகை உள்ளார். அந்த நடிகை தான் நம்ம அனுபமா பரமேஸ்வரன். ஆமாம், தனுஷின் கொடி படத்தில் நடித்த அதே அனுபமா தான். அதே போன்று அனுபமாவும் பும்ராவை ட்விட்டரில் பின்தொடர்கிறார்.

காதல்

பும்ரா ஏன் தனக்கு கொஞ்சமும் தொடர்பு இல்லாத அனுபமா பரமேஸ்வரனை ட்விட்டரில் பின் தொடர வேண்டும். அனுபமாவுக்கு பும்ராவை எப்படித் தெரியும். இருவரும் காதலிக்கிறார்களோ, அதனால் தான் ட்விட்டரில் ஒருவரையொருவர் பின் தொடர்கிறார்கள் என்று நெட்டிசன்கள் அவர்களாவே ஒரு முடிவுக்கு வந்துவிட்டனர்.

ரீட்வீட்

பும்ரா அனுபமா போடும் ட்வீட்டுகளை லைக் செய்கிறார். பதிலுக்கு அனுபமா பும்ராவின் ட்வீட்டுகளை ரீட்வீட் செய்கிறார். இதை பார்த்து தான் நெட்டிசன்கள் அவர்களுக்கு இடையே காதல் என்று பேசத் துவங்கிவிட்டனர். ஏம்பா, ட்விட்டரில் ஒருவரையொருவர் பின்தொடர்வதும், ட்வீட்டுகளை லைக் செய்வதும் ஒரு குத்தமா, உடனே காதல் என்று பேசலாமா என்று கேட்டால் எந்த வகையிலும் சம்பந்தமே இல்லாத அவர்கள் அப்படி செய்வதால் தான் சந்தேகமே வருகிறது என்கிறார்கள் நெட்டிசன்கள்.

படங்கள்

பும்ரா தற்போது ரொம்பவே பிசியாக உள்ளார். ஆனால் அனுபமா ட்விட்டர் மற்றும் இன்ஸ்டாகிராமில் ஆக்டிவாக உள்ளார். நெட்டிசன்கள் தன்னை பற்றி பேசி ட்வீட் செய்வது இன்னும் அவர் கண்ணில் படவில்லை போன்று. அவர் அந்த ட்வீட்டுகளை பார்த்திருந்தால் நிச்சயம் விளக்கம் அளித்திருப்பார். அனுபமா தெலுங்கு, கன்னட படங்களில் பிசியாக நடித்துக் கொண்டிருக்கிறார். அவரை மீண்டும் தமிழ் படத்தில் நடிக்குமாறு ரசிகர்கள் கோரிக்கை விடுத்து வருகிறார்கள். மீண்டும் கோலிவுட் பக்கம் வருவாரா என்பதை பொறுத்திருந்து பார்ப்போம்.