ரம்யா கிருஷ்ணனை ஒரேயொரு காட்சியை 37 முறை நடிக்க வைத்த இயக்குநர்

கதாபாத்திரம்

சூப்பர் டீலக்ஸ் படத்தில் வரும் தனது கதாபாத்திரம் தான் தன் கெரியரில் மிகவும் சவாலாக இருந்தது என்கிறார் ரம்யா கிருஷ்ணன். இந்த படம் நடிகர்களை தாண்டி கதை பற்றியது, இயக்குநர் குமாரராஜா பற்றியது என்று அவர் மேலும் தெரிவித்துள்ளார்.

37 டேக்

ரம்யா கிருஷ்ணனை ஒரு காட்சியை இரண்டு நாட்களாக 37 முறை நடிக்க வைத்துள்ளார் குமாரராஜா. அவர் அப்படி தன்னை திரும்பத் திரும்ப நடிக்க வைத்ததை பார்த்து தன்னை விட தனது உதவியாளர்கள் அதிர்ச்சி அடைந்ததாக கூறுகிறார் ரம்யா.

100 முறை

பல காட்சிகள் 100 முதல் 150 டேக்குள் வரை சென்றதாக கூறுகிறார் குமாரராஜா. ஆபாச பட நடிகையாக நடிக்க முதலில் நதியாவை கேட்டோம் பின்னர் ரம்யா நடித்தார். அவர் ரொம்பவே கூல் என்று தெரிவித்துள்ளார் இயக்குநர்.

ரம்யா

சூப்பர் டீலக்ஸ் ட்ரெய்லரை பார்த்தவர்கள் ரம்யா கிருஷ்ணன் கதாபாத்திரம் செமயாக இருக்கும் என்று எதிர்பார்க்கிறார்கள். சும்மாவே ரம்யா நடிக்கிறார் என்றால் எதிர்பார்ப்பு இருக்கும். இந்நிலையில் அவர் துணிந்து ஆபாச பட நடிகையாக நடித்திருக்கிறார். அதனால் நிச்சயம் வித்தியாசமான நடிப்பை வெளிப்படுத்தியிருப்பார் என்று நம்பப்படுகிறது.