விஜய் தேவரகொண்டா vs த்ருவ் விக்ரம் யாரு பெஸ்ட்? ட்விட்டரில் வெடித்த சண்டை!

தூள் கிளப்பிய த்ருவ்

கிரிசாயா இயக்கத்தில் அர்ஜுன் ரெட்டி படத்தின் தமிழ் ரீமேக்காக ஆதித்ய வர்மா இன்று வெளியாகியுள்ளது. நடிகர் சியான் விக்ரமின் மகன் த்ருவ் விக்ரம் இந்த படத்தின் மூலம் திரையுலகிற்கு அறிமுகமாகியுள்ளார். அறிமுகமான முதல் படத்திலேயே த்ருவ் விக்ரம் சிக்ஸர் அடித்துள்ளதாகவும், தனது கதாபாத்திரத்திற்கான கச்சிதமான நடிப்பை அவர் வெளிப்படுத்தியுள்ளார் என்றும் பாராட்டுக்கள் குவிந்து வருகின்றன.

பாசிட்டிவ் விமர்சனங்கள்

தீபாவளிக்கு வெளியான கைதி படத்திற்கு பிறகு, அதிக பாசிட்டிவ் விமர்சனங்கள் த்ருவ் விக்ரமின் ஆதித்ய வர்மாவுக்கு கிடைத்துள்ளது. படத்தை பார்த்த பலரும் நேர்மையான ரீமேக் என பாராட்டி வருகின்றனர்.

ஓவர் ஆக்டிங்

த்ருவ் விக்ரமின் அபாரமான நடிப்பை பலரும் பாராட்டி வரும் நிலையில், கடுப்பான விஜய் தேவரகொண்டா ரசிகர்கள், த்ருவ் விக்ரம் ஓவர் ஆக்டிங் செய்துள்ளார் என்றும், அர்ஜுன் ரெட்டி படத்தில் விஜய் தேவரகொண்டா இயல்பாக வாழ்ந்திருப்பார் என்றும், அர்ஜுன் ரெட்டி என்ற ஹேஷ்டேகை உருவாக்கி ட்விட்டரில் சண்டையிட துவங்கியுள்ளனர்.

யாரு பெஸ்ட்?

தெலுங்கில் வெளியான அர்ஜுன் ரெட்டி படத்தில் விஜய் தேவரகொண்டா சிறப்பாக நடித்திருந்ததால் தான் அந்த படம் கம்மி பட்ஜெட்டில் எடுக்கப்பட்டு 100 கோடி வசூலை தாண்டியது. பாலிவுட்டில் ஷாகித் கபூரும் அந்த கபீர் சிங்காக கச்சிதமாக நடித்திருந்தார். அதே போல, தமிழில் வெளியாகியுள்ள ஆதித்ய வர்மா படத்தில் த்ருவ் விக்ரம் தனது சிறப்பான நடிப்பை வெளிப்படுத்தியுள்ளார். அர்ஜுன் ரெட்டி விஜய் தேவரகொண்டா தான் என்றும், ஆதித்ய வர்மா த்ருவ் விக்ரம் தான் என்றும் சில ரசிகர்கள் சமரசம் செய்து வருகின்றனர்.

இதுதான் பெஸ்ட்

அர்ஜுன் ரெட்டி, கபீர் சிங் படங்களை விட த்ருவ் விக்ரம் நடித்துள்ள ஆதித்ய வர்மா படம் தான் பெஸ்ட் என இந்த நெட்டிசன் தனது கருத்தை கூறியுள்ளார்.