Don't Miss!
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- News ஈரான் நினைத்தால்.. சில நாட்களில் அணு ஆயுதங்களை தயாரிக்கலாம்.. அஞ்சும் அமெரிக்கா.. என்ன நடக்குது?
- Technology மிரட்டும் 3 கண் கேமரா.. இதில் 1" இன்ச் ரிட்ராக்டபிள் கேமராவும் இருக்கு.. தூள் பறக்குது HUAWEI Pura 70 Ultra..
- Lifestyle இந்த அறிகுறிகள் காலை வேளையில் தெரியுதா? அப்ப கல்லீரல் ஆபத்தில் இருக்கு-ன்னு அர்த்தம்.. உஷார்..
- Finance பருவநிலை மாற்றத்தால் உலகமே வறுமையில் வாடப் போகிறது – எச்சரிக்கும் ஆய்வறிக்கை
- Automobiles நடிகர் தனுஷ் ஓட்டு போட வந்த காரின் விலை என்ன தெரியுமா? இவ்வளவு காஸ்ட்லியான காரா இது?
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
மனோபாலாவா, ரவி வர்மாவா? யார்தான் தலைவர்? சின்னத்திரை நடிகர் சங்கத்தில் திடீர் பரபரப்பு!
சென்னை: சின்னத்திரை நடிகர்கள் சங்கத்தில், யார் தலைவர் என்பது பற்றி எழுந்துள்ள திடீர் பிரச்னை பரபரப்பை ஏற்படுத்தி உள்ளது.
தமிழ் சினிமா சங்கங்கள் இப்போது சத்தமின்றி இருக்கின்றன. காரணம், நடிகர் சங்க விவகாரமும் தயாரிப்பாளர் சங்க விவகாரமும் நீதிமன்றத்தில் நடந்து வருகிறது.
இதற்கிடையே தயாரிப்பாளர்கள் சங்கத்துக்கு எதிராக, பாரதிராஜா தலைமையில், தமிழ் திரைப்பட நடப்பு தயாரிப்பாளர்கள் சங்கம், உருவாகி இருக்கிறது.
கண்ணம்மா.. நடந்து, நடந்து கடைசியில பிக்பாஸ் வீட்டுக்கே வந்துட்டாங்க.. இது மரண பங்கம் டா மாப்ள!
சின்னத்திரை சங்கம்
இந்தச் சங்கம் இப்போது பரபரப்பாகச் செயல்பட்டு வருகிறது. தியேட்டர் அதிபர்களுக்கு அவர்கள் வைத்த கோரிக்கை சர்ச்சையை ஏற்படுத்தி இருக்கிறது. இந்நிலையில் சினிமா தயாரிப்பாளர் சங்கம், நடிகர் சங்கம் போல, சின்னத்திரைக்கும் சங்கங்கள் இருக்கின்றன. இந்த சங்கங்களில் சின்னத்திரை நடிகர் சங்கத்துக்குள் இப்போது பிரச்னை.
நடிகர் மனோபாலா
சின்னத்திரை நடிகர் சங்கத்தில், 2 ஆயிரம் பேர் உறுப்பினர்களாக இருக்கிறார்கள். அதன் தலைவராக இருப்பவர், ரவிவர்மா. துணைத் தலைவராக மனோபாலா இருக்கிறார். ரவி வர்மாவுக்கும் சங்க நிர்வாகிகளுக்கும் இடையே கருத்து வேறுபாடு ஏற்பட்டுள்ளதாகக் கூறப்படுகிறது.
புதிய தலைவர்
கடந்த சில மாதங்களாக பிரச்னை இருந்து வந்ததாகக் கூறப்படுகிறது. இதனால், துணைத் தலைவராக இருந்து வந்த நடிகர் மனோபாலா தலைமையில் நிர்வாகிகள் சிலர் ஒன்று கூடியுள்ளனர். அவர்கள் ரவிவர்மாவுக்கு எதிர்ப்பு தெரிவித்துள்ளனர். அவரை, தலைவர் பதவியில் இருந்து நீக்கி விட்டோம் என்றும் புதிய தலைவராக மனோபாலாவை தேர்வு செய்து இருக்கிறோம் என்று கடந்த சில நாட்களுக்கு முன் அறிவித்தனர்.
அதிகாரம் இல்லை
'தலைவர் பதவியில் இருந்து நீக்க, பொதுக்குழுவுக்குத்தான் அதிகாரம் இருக்கிறது. தனிப்பட்ட முறையில் யாரையும் பதவி நீக்கம் செய்ய முடியாது. அதனால் நானே தலைவராக நீடிக்கிறேன்; என்று ரவிவர்மா கூறி வருகிறார். இந்நிலையில் இதுபற்றி செய்தியாளர்களை சந்தித்து நாளை விளக்கம் அளிக்கவும் இருக்கிறார் ரவி வர்மா.
Recommended Video
குற்றச்சாட்டு
கொரோனா லாக்டவுன் நேரத்தில் பாதிக்கப்பட்ட உறுப்பினர்களுக்கு உதவிகள் முறையாகச் சேரவில்லை என்றும் முறைகேடு நடந்துள்ளது என்றும் குற்றச்சாட்டுகளை கூறி வருகின்றனர் சில உறுப்பினர்கள். இதையடுத்து ரவிவர்மாவை தலைவர் பதவியில் இருந்து நீக்குவதாக அறிவித்துள்ளனர். இதனால் சின்னத்திரை வட்டாரத்தில் பரபரப்பு ஏற்பட்டுள்ளது.