Don't Miss!
- Sports ஐதராபாத் ரசிகர்களுக்கு அதிர்ச்சி.. ஹெட், அபிஷேக் சர்மா சோலி முடிஞ்ச்.. நம்ம ஆர்சிபி பவுலிங்கா இது!
- News மற்றொரு "வேங்கைவயல்" சம்பவம்? குடிநீர் தொட்டியில் மாட்டு சாணம்? கந்தவர்கோட்டை அருகே பகீர்
- Lifestyle முடி உதிர்ல் முதல் பொடுகு வரை அனைத்துப் பிரச்சனைகளுக்கும் ஒரே தீர்வு.. இந்த ஹேர் மாஸ்க்கை ட்ரை பண்ணுங்க...!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
ஆஸ்கர் விருதுகள் 2020.. சிறந்த இயக்குநர் விருதை வெல்ல யார் தகுதியானவர்.. ஒரு சின்ன அலசல்!
லாஸ் ஏஞ்சல்ஸ்: நாளை காலை இந்நேரம் ஆஸ்கர் விருதுகள் அறிவிக்கப்பட்டிருக்கும். சிறந்த படம், சிறந்த நடிகர் யார், சிறந்த இயக்குநர் யார், சிறந்த நடிகை யார் என்பது உட்பட எல்லாவற்றுக்கும் விடை கிடைத்திருக்கும்.
தற்போது, இந்த ஆண்டுக்கான ஆஸ்கர் விருதை வெல்ல தகுதியான இயக்குநர் யார் என்பது குறித்து இங்கே ஒரு சின்ன அலசல் செய்யப் போகிறோம்.
மார்டின் ஸ்கார்சஸி, குவென்டின் டரன்டினோ, சாம் மெண்டிஸ், டோட் பிலிப்ஸ் மற்றும் பாங் ஜூன் ஹோ உள்ளிட்ட இயக்குநர்களில் யாருக்கு ஆஸ்கர் கிடைக்கும் யார் தகுதியானவர் என்பதை பார்ப்போம்.
ஜோக்கர் இயக்குநர்
ட்யூ டேட், ஹேங் ஓவர், வார் டாக்ஸ் உள்ளிட்ட பக்காவான காமெடி படங்களை இயக்கி வந்த டோட் பிலிப்ஸா இப்படி ஒரு படத்தை இயக்கி உள்ளார் என பலரும் வியக்கும் வண்ணம் ஜோக்கர் படத்தை இயக்கி உள்ளார். இந்த ஆண்டிற்கான சிறந்த நடிகர் விருது ஜோக்வின் பீனிக்ஸுக்கு கிடைக்கும் என பலரும் கணித்து வரும் நிலையில், அதற்கு காரணமான டோட் பிலிப்ஸும் ஆஸ்கர் விருதை வெல்ல தகுதியானவர் தான்.
தி ஐரிஷ்மேன் இயக்குநர்
டேக்ஸி டிரைவர், தி டிபார்டட், தி உல்ஃப் ஆஃப் வால் ஸ்ட்ரீட் உள்ளிட்ட பல விருது படங்களை இயக்கிய பிரபல இயக்குநர் மார்டின் ஸ்கார்சஸி, தனது 77வது வயதிலும் ஆஸ்கர் போட்டியில் களம் காண்கிறார். ராபர்ட் டி நிரோ, அல் பசினோ, ஜோ பெஸ்சி என மூன்று பெரிய நடிப்பு அரக்கர்களை வைத்து ஸ்கார்சஸி இயக்கியுள்ள ஐரிஷ்மேன் பல விருதுகளை குவிக்கும் என எதிர்பார்க்கப்படுகிறது. ஸ்கார்சஸிக்கு எல்லாம் ஆஸ்கர் விருது ஒரு பொருட்டே அல்ல!
பாராசைட் இயக்குநர்
ஆஸ்கர் விருதுகள் 2020ல் சிறந்த படத்திற்கான ஆஸ்கர் விருதை வெல்லப் போகும் படமாக பாராசைட் முன்னிலையில் இருக்கிறது. கொரிய இயக்குநரான பாங் ஜூன் ஹோ முதன் முறையாக ஆஸ்கர் மேடையை அலங்கரிக்கப் போகிறார். வித்தியாசமான படங்களை கொடுத்து வரும் இவருக்கு ஆஸ்கர் கிடைக்குமா என்பதை பொறுத்திருந்து பார்ப்போம்.
குவென்டின் டரன்டினோ
இயக்குநர் குவென்டின் டரன்டினோவுக்கு உலகளவில் பல சினிமா பிரபலங்களே ரசிகர்களாக உள்ளனர். கடந்த ஆண்டு அவர் இயக்கத்தில் வெளியான ஒன்ஸ் அப்பான் எ டைம் இன் ஹாலிவுட் திரைப்படம், ஆஸ்கர் ரேஸில் பல விருதுகளை குவிக்கும் என எதிர்பார்க்கப்படுகிறது. சிறந்த இயக்குநருக்கான விருதுக்கான போட்டியில், டரன்டினோ முன்னிலையில் உள்ளார்.
சாம் மெண்டிஸ்
சினிமா என்பது ஒருவரை சார்ந்த ஒரு விஷயம் அல்ல, அது பல தனித மனித மூளைகளை ஒருங்கிணைத்து செயல்பட வேண்டும். சிங்கிள் ஷாட் படமாக 1917 படத்தை இயக்க சாம் மெண்டிஸ் போட்டிருக்கும் மெனக்கெடல், கடும் உழைப்பு எல்லாம் கண் இமைக்காமல் படத்தை நாம் திரையில் காணும் போதே தெரிகிறது. நாளை நடைபெற உள்ள ஆஸ்கர் விருது விழாவில் சிறந்த இயக்குநருக்கான விருதை சாம் மெண்டிஸ் வெல்வார் என எதிர்பார்க்கிறோம்.
மேலே குறிப்பிட்டுள்ள 5 ஜாம்பவான்களும், இயக்கத்தில் பலே கில்லாடிகள் தான். ஆஸ்கர் தேர்வுக் குழு யாருக்கு விருதை அளிக்கப் போகிறது என்பதை அந்த பிரம்மாண்ட விழாவில் கண்டு ரசிப்போம்.