கார்த்தியின் கைதி இந்தி ரீமேக்.. இந்த 2 ஹீரோக்கள்தான் சாய்ஸ்.. இதில் ஒருவர் கண்டிப்பாக நடிப்பாராம்!

கதாநாயகி இல்லாமல்

மாநகரம் பட இயக்குனர் லோகேஷ் கனகராஜ் இயக்கி இருந்த இந்தப் படம், கடந்த ஆண்டு அக்டோபர் மாதம் ரிலீஸ் ஆனது. தமிழில் சூப்பர் ஹிட்டான இந்தப் படம், தெலுங்கில் டப் செய்தும் வெளியிடப்பட்டது. அங்கும் ஹிட்டானது. கதாநாயகி இல்லாமல் உருவான இந்தப் படத்தின் வெற்றி, திரையுலகினரை திரும்பிப் பார்க்க வைத்தது.

ரிலையன்ஸ் நிறுவனம்

இந்தப் படத்தின் இரண்டாம் பாகத்தை எடுக்க முயற்சிகள் நடந்து வருகின்றன. கைதி படத்தின் இந்தி ரீமேக் உரிமையை வாங்க கடும் போட்டி நிலவியது. இந்நிலையில் டிரீம் வாரியர் பிக்சர்ஸ் எஸ்.ஆர்.பிரகாஷ் பாபு, எஸ்.ஆர்.பிரபு ஆகியோர் ரிலையன்ஸ் நிறுவனத்துடன் இணைந்து இந்தியில் கைதி படத்தை தயாரிக்கின்றனர். கடந்த சில நாட்களுக்கு முன் இது உறுதி செய்யப்பட்டது.

கார்த்தி மறுப்பு

இந்தி 'கைதி'யையும் லோகேஷ் கனகராஜ் இயக்குகிறார். இதில் நடிக்கும் நடிகர், நடிகை தேர்வு நடக்கிறது. இந்தி ரீமேக்கிலும் நடிகர் கார்த்தியை நடிக்க வைக்கத்தான் முயற்சி நடந்ததாம். ஆனால், அவர் மறுத்துவிட்டார். ஏனென்றால் ரத்த சரித்திரம் படம் மூலம் அவர் அண்ணன் சூர்யா, இந்திக்குச் சென்றார். அந்தப் படம் பெரிய ஹிட்டாகவில்லை. இதைக் கண்டே, கார்த்தி மறுத்துவிட்டதாகக் கூறப்படுகிறது.

சல்மான்கான்

இந்நிலையில் இதன் இந்தி ரீமேக்கில் பிரபல இந்தி ஹீரோ, சல்மான்கான் நடிக்க இருப்பதாக, சமூக வலை தளங்களில் தகவல் பரவியது. ஆனால், அது உறுதிப்படுத்தப் படவில்லை. இதுகுறித்து எஸ்.ஆர்.பிரபு கூறும்போது, 'இந்தி ரீமேக்கில் பெரிய ஹீரோ ஒருவர் நடிப்பார். ஆனால், யாரும் இறுதி செய்யப்படவில்லை' என்று கூறியிருந்தார்.

ரன்வீர் சிங், ஹிர்த்திக்

இதற்கிடையே, இந்த படத்தின் ரீமேக்கில் ஹிர்த்திக் ரோஷன் அல்லது ரன்வீர் சிங் ஆகியோரில் ஒருவர் நடிப்பார்கள் என்று கூறப்படுகிறது. இதுபற்றி, 'இருவரும் ரிலையன்ஸ் நிறுவனத்தின், சாய்ஸில் இருக்கிறார்கள். கால்ஷீட் மற்றும் சம்பள பிரச்னை சரியாக அமைந்தால் இதில் ஒருவர் கண்டிப்பாக நடிப்பார். பேச்சுவார்த்தை நடந்துவருகிறது படக்குழு தெரிவித்துள்ளது.