பழைய சாதத்தை பரிமாறும் பிக் பாஸ்.. மீண்டும் மீண்டும் பயண வீடியோவா.. அட போங்க பாஸ் முடியல!

ஆரம்பமானது கிராண்ட் ஃபினாலே

பிக் பாஸ் தமிழ் சீசன் 5ன் கிராண்ட் ஃபினாலே நிகழ்ச்சி வண்ண விளக்குகள் மிளிர பிரம்மாண்ட அரங்கில் ஆரம்பமாகி உள்ளது. ஆனால், அதே பழைய வார இறுதி நிகழ்ச்சி போலவே இருப்பதாகவும் புதிதாக எந்தவொரு ஏற்பாடும் இல்லாத அளவுக்கு இந்த சீசன் கிராண்ட் ஃபினாலே களையிழந்து காணப்படுவதாக ரசிகர்கள் அதிருப்தி தெரிவித்துள்ளனர்.

பழைய சோறு

சனிக்கிழமை எபிசோடிலேயே ஃபைனலிஸ்ட்டுகளுக்கு காட்டப்பட்ட அதே பயண வீடியோவையே தற்போது மாஷ் அப் செய்து வெளியிட்டு ரசிகர்களின் பொறுமையை மேலும், சோதித்துள்ளனர். புதிதாக காட்சிகள் கூட இல்லையா காட்டுவதற்கு என்றும் கிராண்ட் ஃபினாலேவில் சில புதுமையான நிகழ்ச்சியாவது வைத்திருக்கலாம் என ரசிகர்கள் கமெண்ட் அடித்து வருகின்றனர்.

சுவாரஸ்யமே இல்லை

கிராண்ட் ஃபினாலே நிகழ்ச்சியில் சினிமா நடிகர்களின் நடன நிகழ்ச்சிகள் இடம்பெற்று இருக்கும் என எதிர்பார்த்த ரசிகர்களுக்கு மீண்டும் பிக் பாஸ் நிகழ்ச்சியில் எவிக்ட் ஆன போட்டியாளர்களே நடனமாடி போரடித்தது சுவாரஸ்யத்தை மிகவும் குறைத்துள்ளது என ரசிகர்கள் கிண்டலடித்து வருகின்றனர்.

மாற்றம் வரணும்

அடுத்த சீசனிலாவது பிக் பாஸ் தமிழ் நிகழ்ச்சியின் கிராண்ட் ஃபினாலே லைவ்வாக நடக்க வேண்டும் என ரசிகர்கள் விருப்பம் தெரிவித்து வருகின்றனர். மேலும், தெலுங்கு பிக் பாஸ் அளவுக்கு ஏகப்பட்ட சினிமா பிரபலங்களின் கலை விழா நிகழ்ச்சிகளுடன் நிகழ்ச்சி ரசிகர்களை பார்க்க தூண்டும் அளவுக்கு இருக்க வேண்டும் என ரசிகர்கள் கருத்து தெரிவித்து வருகின்றனர்.

கொரோனா காரணமாக

கடந்த சீசன் டைட்டில் வின்னர் ஆரி அர்ஜுனன், இந்த சீசன் போட்டியாளர்களான இமான் அண்ணாச்சி, அபிஷேக் ராஜா உள்ளிட்டோர் கலந்து கொள்ளாததும் ரசிகர்களை ரொம்பவே அப்செட் ஆக்கி உள்ளது. கொரோனா பரவல் காரணமாகவே தமிழ் பிக் பாஸ் கிராண்ட் ஃபினாலே நிகழ்ச்சி கடமைக்கு நடத்தப்பட்டுள்ளதாகவும் கூறுகின்றனர்.