Don't Miss!
- Automobiles இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- News இதுதான் நம்ம தமிழ்நாடு.. மூக்கு மேல் விரல் வைத்த ஈரோடு.. புது டிரஸ்ஸில்.. யாரிந்த 3 பெண்கள்.. சபாஷ்
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
கமல் 60.. தல கலந்துக்காததுக்கு இதுதான்பா காரணமாம்.. கேட்டதில் இருந்து சோகத்தில் அஜித் ரசிகர்கள்!
தந்தையின் உடல்நலக்குறைவே கமல் 60 விழாவுக்கு அஜித்தால் வரமுடியாததற்கான காரணம் என கூறப்படுகிறது.
Recommended Video
சென்னை: கமல் 60 விழாவில் அஜித் கலந்து கொள்ளாததற்கான காரணம் குறித்து தெரியவந்துள்ளது.
நடிகர் கமல் ஹாசனின் திரையுலக வாழ்க்கை 60 ஆண்டுகளை நிறைவு செய்துள்ளது. இதனை மிக பிரமாண்ட விழாவாக கொண்டாடியுள்ளது தமிழ் திரையுலகம்.
கமல் ஹாசனின் பிறந்தநாளையொட்டி, கமல் 60 'உங்கள் நான்' விழா சென்னை நேரு உள் விளையாட்டு அரங்கில் நேற்று மாலை நடந்தது. இந்த விழாவில் நடிகர் ரஜினிகாந்த் கலந்துகொண்டு சிறப்பித்தார். அதேபோல் திரையுலகை சேர்ந்த மூத்த நடிகர், நடிகையர் முதல் இளம் நடிகர்கள் வரை பலரும் இவ்விழாவில் கலந்துகொண்டனர்.
அட.. நம்ம நமீதாவா இது.. எப்படி இருந்தவர் இப்படி ஆயிட்டாரே!
அஜித், விஜய் மீது விமர்சனம்
ஆனால் நடிகர்கள் அஜித் மற்றும் விஜய் ஆகியோர் விழாவிற்கு வராதது விமர்சனத்துக்கு உள்ளாகியுள்ளது. அழைப்பிதழ் வழங்கப்பட்டும் தமிழ் சினிமாவின் மூத்த நடிகரை கவுரவிக்க விஜய்யும், அஜித்தும் தவறிவிட்டதாக நெட்டிசன்கள் விமர்சித்து வருகின்றனர்.
விஜய் தரப்பு விளக்கம்
தளபதி 64 படப்பிடிப்பில் பிஸியாக இருப்பதால் நடிகர் விஜய்யால் கமல் விழாவில் கலந்துகொள்ள இயலவில்லை என அந்த படத்தின் தயாரிப்பு தரப்பில் இருந்து விளக்கம் அளிக்கப்பட்டுள்ளது. மேலும், விஜய்யின் தந்தை எஸ்.ஏ.சந்திரசேகர், விஜய் சார்பில் நிகழ்ச்சியில் கலந்துகொண்டு கமலை வாழ்த்தினார்.
அஜித் ஏன் வரவில்லை
ஆனால் அஜித் தரப்பில் இருந்து எந்த விளக்கமும் இதுவரை கொடுக்கப்படவில்லை. கமல் விழாவில் அஜித் கலந்துகொள்ளாதது ஏன் என சமூக வலைதளங்களில் ஒரு தகவல் உலா வருகிறது. அதாவது, அஜித்தின் தந்தைக்கு உடல்நலக்குறைவு ஏற்பட்டுள்ளதால் தான் அவரால் கமல் 60 விழாவில் கலந்துகொள்ள முடியவில்லை என பேசப்படுகிறது.
உண்மை தானா?
இது எந்த அளவுக்கு உண்மை என்பது தெரியவில்லை. ஏனெனில் அஜித் தரப்பில் இருந்து இதுகுறித்து விளக்கம் அளிக்கப்படவில்லை. எனவே இந்த தகவல் உண்மைதானா என்பதை விரைவில் அவர்கள் அறிவிப்பார்கள் என எதிர்பார்க்கப்படுகிறது.
ரசிகர்கள் சோகம்
இது ஒருபுறம் இருக்க, அஜித்தின் தந்தைக்கு உடல்நலமில்லை எனக் கேள்விப்பட்டால் ரசிகர்கள் சும்மா இருப்பார்களா? விரைவில் அவர் குணமடைய வேண்டும் என சோகமான பதிவுகளை வெளியிட்டு வருகின்றனர்.