ரஜினி, கமல், தல, தளபதியை வச்சு செஞ்சும் 'தமிழ் படம் 2' ஏன் ரசிகர்களுக்கு பிடித்துள்ளது?

வியப்பு

சிவா படத்துக்கு எல்லாம் காலையில் 5 மணி காட்சி வைப்பது ஓவர். எவன் வரப் போறான் என்று எகத்தாளமாக பேசியவர்கள் முகத்தில் கரியை பூசிவிட்டது படக்குழு. அதிகாலையிலேயே தியேட்டர்களில் ரசிகர்கள் கூட்டம் அலைமோதியுள்ளது.

ஹிட்

அரசியல் தலைவர்கள், திரையுலக பிரபலங்கள், ஏகப்பட்ட படங்களை தமிழ் படம் 2-ல் வச்சு செஞ்சிருக்காங்க. அப்படி இருந்தும் படத்தை ரசிகர்கள் கொண்டாடுகிறார்கள். படம் மாஸ், வேற லெவல், சர வெடி, சிரித்து சிரித்து வயிறு வலிக்கிறது என்கிறார்கள்.

காமெடி

காமெடி பண்ணுகிறேன் என்ற பெயரில் அனைவரையும் உங்க வீட்டு கலாய் எங்க வீட்டு கலாய் இல்லை மரண கலாய் கலாய்த்திருந்தாலும் யார் மனதும் புண்படாத படி கிண்டல் செய்துள்ளனர். இது இது தான் ரசிகர்களை வெகுவாக கவர்ந்துள்ளது.

சிரிப்பு

மற்றவர்களை விடுங்க சம்பந்தப்பட்டவர்களே படத்தை பார்த்தாலும் அவர்களால் சிரிப்பை அடக்க முடியாது. அந்த அளவுக்கு நாகரீகமாக படத்தை எடுத்துள்ளார் சி.எஸ். அமுதன். உங்கள் முயற்சியை பாராட்டியே ஆக வேண்டும் அமுதன்.

தல

தமிழ் படம் 2 போஸ்டர்களை பார்த்த தல, தளபதி ரசிகர்கள் யோவ் அமுதா உனக்கு வேறு வேலையே இல்லையா என்று கொந்தளித்தார்கள். ஆனால் படத்தை பார்த்த அவர்கள் கூட சிரிப்பை அடக்க முடியவில்லை என்று பாராட்டியுள்ளார்கள்.

மகிழ்ச்சி

சிரிக்க வைக்கிறேன் என்ற பெயரில் ரசிகர்களை எரிச்சல் அடைய வைக்காமல் மனம் விட்டு சிரித்து மகிழ வைத்துள்ளது தமிழ் படம் 2. நமக்கு பார்க்க பல்வேறு படங்களின் கலாய் கோர்வை தமிழ் படம் 2. ஆனால் அதை ஒரு கதையாக திரையில் காட்டுவது எளிதான விஷயம் அல்ல என்பது குறிப்பிடத்தக்கது.