திரும்பவும் சந்திக்க வைத்த பிக் பாஸ்.. பிரேக்கப்பை உறுதி செய்த கவின்-லாஸ்.. சோகத்தில் கவிலியா ஆர்மி!

கவினின் முடிவு

நிகழ்ச்சி இறுதிக்கட்டத்தை நெருங்கிய போது, கவின் திடீரென பிக் பாஸ் தந்த ஐந்து லட்சம் ரூபாயை எடுத்துக்கொண்டு நிகழ்ச்சியில் இருந்து வெளியேறினார். அப்போது லாஸ்லியா கதறி அழுதது, சினிமாவை மிஞ்சும் வகையில் இருந்தது.

ரசிகர்களின் எதிர்பார்ப்பு

மீண்டும் சிறப்பு விருந்தினராக கவின் பிக் பாஸ் வீட்டிற்குள் சென்ற போது, திரும்பவும் காதல் காட்சிகள் களைக்கட்டியது. இதனால் எப்படியும் வெளியில் வந்ததும், முந்தைய சீசன்களை போல் இல்லாமல் இந்த ஜோடியாவது காதலை தொடர்வார்கள் என பெரிதும் எதிர்பார்க்கப்பட்டது.

குழம்பிய ரசிகர்கள்

ஆனால் பிக் பாஸ் நிகழ்ச்சியில் இருந்து வெளியேறிய பின்னர், இருவரும் சந்தித்து கொண்டதாகவே தெரியவில்லை. தங்கள் காதல் பற்றியும் அவர்கள் காட்டிக்கொள்ளவே இல்லை. இதனால் ரசிகர்கள் பெரும் குழப்பம் அடைந்தனர்.

இருவரும் பேசவில்லை

பிக் பாஸ் கொண்டாட்டத்தின் போது கூட இருவரும் சரிவர பேசிக்கொள்ளவில்லை. இதனால் அவர்களது காதல் முறிந்துவிட்டதோ என்ற குழப்பத்தில் கவிலியா ஆர்மி ஆளாகினர்.

ஓரே நிற ஆடை

இந்நிலையில் கடந்த சில தினங்களுக்கு முன்னர் பிக் பாஸ் சக்சஸ் பார்ட்டி சென்னையில் உள்ள ஒரு நட்சத்திர ஓட்டலில் நடந்தது. இதில் லாஸ்லியாவும், கவினும் ஒரே நிறத்தில் ஆடை அணிந்து வந்திருந்தது அவர்களது ரசிகர்களை மகிழ்ச்சியில் ஆழ்த்தியது.

ரசிகர்கள் ஏமாற்றம்

இன்னும் அவர்களுக்குள் காதல் இருக்கிறது என சமூக வலைதளங்களில் கவிலியா ஆர்மியினர் பதிவிட்டு வந்தனர். ஆனால் இம்முறையும் அவர்களது எதிர்பார்ப்பு பொய்த்துவிட்டது. இந்த நிகழ்ச்சியிலும் இருவரும் சோகமாகவே காட்சியளித்தனர். அதோடு ஒருவருக்கொருவர் பேசிக்கொண்டதாகவும் தெரியவில்லை. இருவரும் இணைந்து ஒரு புகைப்படம் கூட எடுத்துக்கொள்ளவில்லை.

காதல் முறிவு

இதன் மூலம் அவர்களது காதல் முறிவு உண்மை தான் என்பது தெரியவந்தது. அவர்களது காதல் முறிவிற்கு லாஸ்லியாவின் பெற்றோர் தான் காரணம் என சமூல வலைதளங்களில் பேசப்படுகிறது. ஏற்கனவே பிக் பாஸ் வீட்டிற்கு சிறப்பு விருந்தினர்களாக லாஸ்லியா குடும்பத்தினர் வந்திருந்த போது, கவின் உடனான காதலை முறித்துக்கொள்ளும்படி லாஸ்லியாவிற்கு அவர்கள் அழுத்தம் கொடுத்தனர்.

உண்மை என்ன?

தற்போது லாஸ்லியாவின் மனதை அவர்கள் முழுவதுமாகவே மாற்றிவிட்டதாக நெட்டிசன்கள் கூறி வருகின்றனர். இந்த விவகாரம் குறித்து கவினோ, லாஸ்லியாவோ வாய் திறந்தால் தான் உண்மை என்ன என்பது தெரியவரும்.