Don't Miss!
- News வாங்களேன்.. உட்கார்ந்து பேசி உங்களுக்கு நல்லா புரிய வைக்கிறேன்.. மோடிக்கு கார்கே கடிதம்
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
பிரபுதேவாவுக்கு ‘பத்மஸ்ரீ’.. கூட்டிக் கழிச்சுப் பாருங்க மத்திய அரசோட கணக்குப் புரியும்!
சென்னை: தமிழ்த் திரையுலகில் பிரபலமான நடிகர் பிரபுதேவாவுக்கு பூர்வீகம் மைசூர் என்பதால், அவருக்கு கர்நாடகத்தைச் சேர்ந்தவர் என்ற பிரிவில் மத்திய அரசு பத்மஸ்ரீ விருது வழங்கியிருக்கிறது.
நாட்டின் உயரிய விருதுகளில் ஒன்றான பத்மவிருதுகளைப் பெறுபவர்கள் பட்டியலை நேற்று மத்திய அரசு வெளியிட்டுள்ளது. இதில் தமிழ், இந்தி மற்றும் தெலுங்கு சினிமாவில் நடன இயக்குநராக, இயக்குநராக மற்றும் நடிகராக பணி புரிந்து வரும் பிரபுதேவா பத்மஸ்ரீ விருதுக்கு தேர்வாகியுள்ளார்.
மற்ற மொழிகளைக் காட்டிலும் தமிழில் மிகவும் பிரபலமானவர் பிரபுதேவா. தமிழ் மற்றும் இந்தி படம் ஒன்றிற்காக இரண்டு தேசிய விருதுகளைப் பெற்றவர்.
ரசிகர்கள் குழப்பம்:
இந்நிலையில், நேற்று அறிவிக்கப்பட்ட பத்ம விருதுகள் பட்டியலில் பிரபுதேவாவின் பெயர் கர்நாடகா பிரிவில் இருந்ததால் அவரது ரசிகர்கள் அதிர்ச்சியும், குழப்பமும் அடைந்தனர். தமிழகத்தைச் சேர்ந்த பிரபுதேவாவுக்கு ஏன் கர்நாடகப் பிரிவில் விருது என்பதே அவர்கள் மனதில் தோன்றிய கேள்வி.
மைசூரில் பிறந்தவர்:
ஆனால், பிரபுதேவா கர்நாடக மாநிலம் மைசூரில் பிறந்தவர். இவர் கர்நாடக மாநிலம் மைசூரில் பிறந்தவர் என்றாலும், சிறுவயதிலேயே இவரது குடும்பம் சென்னைக்கு குடிபெயர்ந்து விட்டது. இதனால் இவரை பெரும்பாலானோர் தமிழர் என்றே கருதி வருகின்றனர்.
தமிழில் தான் அதிகம்:
இதில் மற்றொரு குறிப்பிடத்தக்க விசயம் என்னவென்றால், பிரபுதேவா பிறந்தது கர்நாடகா என்றாலும் இதுவரை அவர் கன்னடத்தில் ஒரு படத்திலும் பணி புரியவில்லை. தமிழில் அதிக படங்களில் நடிகராகவும், நடன இயக்குநராகவும் அவர் பணியாற்றி உள்ளார். இதனால் தமிழகத்தில் தான் அவருக்கு ரசிகர்கள் ஏராளம்.
இந்தியிலும் ரசிகர்கள்:
இதேபோல், இந்தியில் அவர் இயக்கிய படங்கள் சில தொடர்ந்து வெற்றிப்படங்களாக அமைந்ததால், அங்கும் அவருக்கு ரசிகர்கள் அதிகமாக உள்ளனர். இந்நிலையில், அவருக்கு பத்மஸ்ரீ விருது கர்நாடக மாநிலத்தைச் சேர்ந்தவர் என்ற பிரிவில் அளிக்கப்பட்டிருப்பது அவரது தமிழ் ரசிகர்களை ஏமாற்றமடைய வைத்துள்ளது.