'கேஜிஎப் சாப்டர் 2' படத்தில் நடிக்க மறுத்த நம்ம 'ராஜமாதா'... ஏன், எதுக்கு? இதுதான் காரணமாமே!

ஶ்ரீனிதி ஷெட்டி

இந்தப் படத்தை நடிகர் விஷால், தமிழில் வெளியிட்டார். இதையடுத்து இதன் இரண்டாம் பாகம் இன்னும் அதிக பட்ஜெட்டில் உருவாகி வருகிறது. முதல் பாகத்தை இயக்கிய பிரசாந்த் நீல், இதையும் இயக்குகிறார். இதில் பிரபல இந்தி நடிகர் சஞ்சய் தத், அதீரா என்ற வில்லனாக நடிக்கிறார். முதல் பாகத்தில் நடித்த ஶ்ரீனிதி ஷெட்டி இதிலும் ஹீரோயினாக நடிக்கிறார்.

பர்ஸ்ட் லுக் போஸ்டர்

ஆனந்த் நாக், மாளவிகா அவினாஷ் உட்பட பலர் நடிக்கின்றனர். முதல் பாகத்தை தமிழில் வெளியிட்ட விஷால், இதையும் வெளியிடுகிறார். முதல் பாகம் ஹிட்டானதால், இரண்டாம் பாகத்துக்கும் எதிர்பார்ப்பு அதிகரித்துள்ளது. இந்த படத்தின் பர்ஸ்ட் லுக் போஸ்டர் டிசம்பர் மாதமும் இரண்டாம் லுக் போஸ்டர் கடந்த மாதமும் வெளியாகி ரசிகர்களிடையே வரவேற்பை பெற்றது.

ரவீணா டாண்டன்

இந்நிலையில், இந்தப் படத்தின் ஷூட்டிங்கில் நடிகை ரவீணா டாண்டன் இணைந்தார். அவரும் படத்தின் இயக்குனர் பிரசாந்த் நீலும் ஒன்றாக இருக்கும் புகைப்படத்தை வெளியிட்டு படக்குழு இதை உறுதிப்படுத்தியுள்ளது. அவர், படத்தில் பிரதமராக நடிப்பதாகக் கூறப்படுகிறது. அவர் நடிக்கும் காட்சிகள் சமீபத்தில் மைசூரில் படமாக்கப்பட்டன.

ரம்யா கிருஷ்ணன்

ரவீணா நடிக்கும் கேரக்டரில் நடிக்க முதலில், ரம்யா கிருஷ்ணனிடம்தான் கேட்டுள்ளனர் என்ற தகவல் இப்போது வெளியாகியுள்ளது. கன்னடத்தில் பல்வேறு படங்களில் நடித்துள்ள ரம்யா கிருஷ்ணன், அந்த கேரக்டருக்கு பொருத்தமாக இருப்பார் என்று அவரிடம் படக்குழு பேசியுள்ளது. ஆனால், அவர் அதிக சம்பளம் கேட்டதாகவும் அவர் கேட்ட சம்பளத்தைக் கொடுக்க முடியாததால், ரவீணாவை படக்குழு ஒப்பந்தம் செய்ததாகவும் கூறப்படுகிறது.

ஆக்‌ஷன் காட்சிகள்

இதன் கடைசிக்கட்டப் படப்பிடிப்பு ஐதராபாத்தில் நடக்க இருக்கிறது. அங்கு ராமோஜிராவ் பிலிம் சிட்டியில் ஆக்‌ஷன் காட்சிகள் படமாக்கப்பட இருக்கின்றன. வில்லன்களுடன் யஷ் மோதும் ஆக்‌ஷன் காட்சிகள் இதுவரை இல்லாத அளவு படமாக்கப்பட இருக்கின்றன.

வரும் ஜூலை மாதம், இந்தி, தமிழ், கன்னடம் உட்பட 5 மொழிகளில் இந்தப் படம் ரிலீஸ் ஆக இருக்கிறது.