எந்த ஹீரோவிடமும் இல்லாத ஒன்று சந்தானத்திடம் உள்ளது: அது என்ன தெரியுமா?

சந்தானம்

நகைச்சுவை நடிகராக ஜொலித்துக் கொண்டிருந்த சந்தானத்தையும் ஹீரோ ஆசை விடவில்லை. அதில் தவறும் இல்லை. ஆனால் நடித்தால் ஹீரோவாக மட்டுமே நடிப்பேன் என்று அவர் அடம்பிடிப்பது சரியில்லை.

ரசிகர்கள்

நகைச்சுவை நடிகராக சந்தானத்தை ரசிகர்கள் ரொம்பவே மிஸ் செய்கிறார்கள். டியர் சந்தானம், ஹீரோவாக நடிப்பதால் பிற நடிகர்களின் படங்களில் காமெடியனாக நடித்தால் உங்களின் இமேஜ் பாதிக்காது. அந்த பயம் உங்களுக்கு வேண்டாம்.

காமெடியன்

நீங்கள் ஹீரோவாகவும் நடித்துக் கொண்டு காமெடியனாகவும் நடிப்பை தொடர்ந்தால் தப்பில்லை. நீங்கள் நினைத்தால் ஹீரோ, காமெடியன் என்று இரண்டு கதாபாத்திரங்களிலுமே அசத்த முடியும். ஆனால் அதுவே வேறு ஹீரோ நினைத்தால் முடியாது. இப்படி ஒரு பிளஸ் பாயிண்ட் உங்களுக்கு இருப்பதை புரிந்து கொள்வது நல்லது.

படம்

காமெடியனாக நடித்து சம்பாதித்துக் கொண்டே அந்த பணத்தை வைத்து நீங்கள் தாராளமாக ஹீரோவாக நடிக்கலாம். நீங்கள் மட்டும் அப்படி செய்தால் அனைவரும் உங்களை பார்த்து பொறாமைப்படும் காலம் வரும். சந்தானம் ஹீரோவாகி அடம் பிடிப்பதை பார்த்தால் தேசிங்கு பட விழாவில் இயக்குநர் சுந்தர் சி. கூறியது தான் நினைவுக்கு வருகிறது. "நம்மாளுக ஒரு நல்ல ஆர்டிஸ்ட்டை ஆர்டிஸ்ட்டாக இருக்க விட மாட்டாங்க. அவங்களுக்கு எது எல்லாம் தேவை இல்லையோ அதில் எல்லாம் கூட்டிட்டு போய் அவங்களின் வாழ்க்கையை காலி பண்ணுவாங்க" என்று சுந்தர் சி. பேசியது ஒரு வேளை சந்தானத்தை மனதில் வைத்து தானோ.