மும்பை ரோட்டில் ஆட்டோ ஓட்டிய நடிகர்: யார்னு தெரிந்தால் ஷாக் ஆகிடுவீங்க

மும்பை

வில் ஸ்மித் மும்பை தெருக்களில் ஆட்டோ ஓட்டினார். அவரை அடையாளம் கண்ட சிலர் அவரின் பெயரை சொல்லி அழைத்தனர். அவர் ஆட்டோ ஓட்டியபோது எடுத்த வீடியோ, புகைப்படங்கள் சமூக வலைதளங்களில் வெளியானது.

பாலிவுட்

ஐஸ்வர்யா ராயுடன் சேர்ந்து பாலிவுட் படத்தில் நடிக்க விருப்பம் தெரிவித்துள்ளார் வில் ஸ்மித். இது குறித்து அவர் கூறியதாவது, பாலிவுட் டான்ஸ் ஆட வேண்டும் என்பது என் நீண்ட நாள் ஆசை. 15 ஆண்டுகளுக்கு முன்பு ஐஸ்வர்யாவை சந்தித்து பேசினேன். அப்போது இருவரும் சேர்ந்து நடிப்பது குறித்து பேசினோம். ஆனால் அது நடக்கவில்லை. அவருடன் நடிக்க ஆசையாக உள்ளது என்றார்.

செல்ஃபி

ஸ்டூடண்ட் ஆப் தி இயர் 2 படப்பிடிப்பு தளத்திற்கு சென்றார் வில் ஸ்மித். அங்கு ஹீரோ டைகர் ஷ்ராஃப், ஹீரோயின் அனன்யா பாண்டே உள்ளிட்டோர் அவருடன் சேர்ந்து செல்ஃபி எடுத்துக் கொண்டனர். பாலிவுட்டின் முன்னணி நடிகரான ரன்வீர் சிங்கும் வில் ஸ்மித்தை சந்தித்து பேசி செல்ஃபி எடுத்துள்ளார். ரன்வீரும், பாலிவுட் இயக்குனர் கரண் ஜோஹாரும் சேர்ந்து வில் ஸ்மித்துக்கு இந்திய நடனத்தை கற்றுக் கொடுத்துள்ளனர்.

தாஜ்மஹால்

ஆக்ராவுக்கு சென்ற வில் ஸ்மித் தாஜ் மஹாலை சுற்றிப் பார்த்துள்ளார். அப்போது அவர் ஷாருக்கானின் பிரபலமான போஸ் கொடுத்து எடுத்த புகைப்படம் வைரலாகியுள்ளது.

கோவில்

வில் ஸ்மித் ஹரித்வாருக்கு சென்ற இடத்தில் கடவுளுக்கு ஆர்த்தி எடுத்துள்ளார். அவர் கழுத்தில் மாலை அணிந்து ஆரத்தி எடுத்த புகைப்படங்கள் வெளியாகியுள்ளது. சில குசும்புக்காரர்களோ அவர் இந்து மதத்திற்கு மாறிவிட்டதாக வதந்தியை பரப்பியுள்ளனர்.