புருஷன் முடியாது என்கிறார், மனைவி நடக்காது என்கிறார்: இது உதயநிதி வீட்டு கூத்து

முதல் படம்

பல முறை நிராகரிக்கப்பட்ட பிறகு எனக்கு வணக்கம் சென்னை மூலம் பிரேக் கிடைத்தது. என் ஸ்க்ரிப்ட்டை ஏற்றுக் கொண்டாலும், பெண், தயாரிப்பாளரின் மனைவி, அரசியல் பின்னணி இருப்பதால் இயக்குனர் ஆவது தாமதமானது.

காளி

காளி படம் முழுக்க சர்பிரைஸ் இருக்கும். ரசிகர்கள் நிச்சயம் ரசித்துப் பார்ப்பார்கள். விஜய் ஆண்டனியும், நானும் நண்பர்களாகிவிட்டோம். தயாரிப்பாளராக அவர் எனக்கு முழு சுதந்திரம் கொடுத்தார்.

தயாரிப்பாளர்

தயாரிப்பாளரின் மனைவி மற்றும் அரசியல் பின்னணி இருப்பதால் பிற தயாரிப்பாளர்கள், நடிகர்களிடம் அப்பாயின்ட்மென்ட் வாங்குவது எளிது. எங்களின் ரெட் ஜெயின்ட் மூவீஸ் தயாரிப்பு நிறுவனத்தை விட்டு மற்றவர்களை நான் ஏன் தயாரிக்குமாறு கூறுகிறேன் என்று பிறருக்கு சந்தேகம் எழுந்தது.

ஹீரோ

உதயநிதி ஸ்டாலினை நான் இயக்கலாம், இயக்காமலே போகலாம். எனக்கு தெரியவில்லை. என் அடுத்த படம் ரொமான்டிக் டிராமா ஆகும் என்று கிருத்திகா தெரிவித்துள்ளார்.

படம்

மனைவியின் இயக்கத்தில் நடிப்பீர்களா என்று முன்பு ஒரு பேட்டியில் உதயநிதியிடம் கேட்கப்பட்டது. கிருத்திகாவோ தான் கூறிய முதல் கதையில் தான் நீங்கள் நடிக்க வேண்டும் என்றார். அதை கேட்ட உதயநிதியோ முடியாது முடியாது என்று கூறிவிட்டார் என்பது குறிப்பிடத்தக்கது.