twitter
    For Quick Alerts
    ALLOW NOTIFICATIONS  
    For Daily Alerts

    விஸ்வரூபத்துக்காக கடல் படத்தைக் காவு கொடுக்கத் தயாராகின்றன தியேட்டர்கள்?

    By Sudha
    |

    Will Viswaroopam 'swallow' Kadal
    சென்னை: விஸ்வரூபம் படத்திற்கு தொடர்ந்து எதிர்பார்ப்புகள் பெரிதாகவே இருப்பதால் அப்படத்தைத் திரையிடுவதில் தமிழக தியேட்டர்களிடம் பெரும் ஆர்வம் காணப்படுகிறது. இதனால் புதிதாக திரைக்கு வந்து 'மொக்கை'ப் படம் என்று ரசிகர்களிடம் 'வரவேற்பைப்' பெற்றுள்ள கடல் படத்தைத் தூக்கி விட்டு விஸ்வரூபத்தைப் போட பல தியேட்டர்கள் முடிவு செய்துள்ளதாக பேச்சு அடிபடுகிறது.

    விஸ்வரூபம் பெரும் சிக்கலைக் கடந்து ஒரு வழியாக வெளியாகவுள்ளது. இதற்கான ஏற்பாடுகளில் கமல்ஹாசன் தரப்பு இறங்கியுள்ளது. படத்தில் 7 காட்சிகளை எடிட் செய்யும் பணிகளை கமல்ஹாசன் தரப்பு முடுக்கி விட்டுள்ளது. வெள்ளிக்கிழமை படம் திரைக்குவரலாம் என்று தெரிகிறது.

    ஆனால் விஸ்வரூபம் படம் வெளியாவதில் தாமதம் ஏற்பட்டதால் அப்படம் திரையிடப்படுவதாக இருந்த பல தியேட்டர்களில் கடல் மற்றும் டேவிட் ஆகிய படங்களை திரையிட்டுள்ளனர். இதனால் விஸ்வரூபம் படத்திற்குத் தியேட்டர்கள் கிடைக்காது என்று முன்பு கூறப்பட்டது.

    ஆனால் கடல் படம் சரியில்லை என்று ரிசல்ட் வெளியாக ஆரம்பித்திருப்பதால், அப்படத்தைத் தூக்கி விட்டு விஸ்வரூபம் படத்தைப் போடும் மன நிலைக்கு பெரும்பாலான தியேட்டர்கள் வந்துள்ளதாக புதிதாக தகவல்கள் வெளியாகியுள்ளன.

    விஸ்வரூபம் படத்திற்கு பெரும் எதிர்பார்ப்பு உள்ளது. கமல் ரசிகர்கள் மட்டுமல்லாமல் அனைத்துத் தரப்பினரும் அப்படி என்னதான் உள்ளது இப்படத்தில் என்ற எண்ணத்திலும், எதிர்பார்ப்பிலும் உள்ளனர். எனவே படத்தில் சில காட்சிகளை ரத்து செய்தாலும் கூட படத்தில் என்னதான் சொல்லியுள்ளார் கமல் என்பதை அறியும் பெரும் எதிர்பார்ப்பு நிலவுகிறது. எனவே படத்திற்கு பெரும் கூட்டம் வரும் என்ற எதிர்பார்ப்பு உள்ளது.

    இதை மனதில் வைத்தே கடல் படத்தை தூக்கி விட்டு விஸ்வரூபத்தைப் போட தியேட்டர் நிர்வாகங்கள் பல முடிவு செய்திருப்பதாக பரபரப்பாக பேசப்படுகிறது.

    English summary
    Sources say that many theaters which have screened Kadal have decided to switch over to Viswaroopam once it is released, due to the hype among the people.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X