Don't Miss!
- Sports என்ன டா இப்படி ஏமாத்துறீங்க? இது எப்படி அவுட்டாகும்? நடுவரின் தவறான முடிவு.. கடுப்பான விராட் கோலி
- News தேர்தலுக்கு பிறகு மொத்தமாக சென்னை திரும்பும் பொதுமக்கள்.. திணறும் பரனூர்! அப்போ பெருங்களத்தூர் நிலை?
- Technology புது விதிகள்.. பேங்க் அக்கவுண்ட்.. கஸ்டமர்களுக்கு ரூ.325 கட்டணம்.. உங்க அக்கவுண்ட்டில் எடுக்கப்பட காரணம்?
- Lifestyle உங்க உதடுகள் கொஞ்சம் கொஞ்சமா கருப்பா மாறுதா? அப்ப இந்த பிரச்சினைகளில் ஒன்று உங்களுக்கு இருக்காம்...!
- Finance 2030-ல் 1 கிராம் தங்கம் விலை என்ன தெரியுமா? இப்பவே தங்கம் வாங்கணும்னா வாங்கிடுங்க!
- Automobiles ஜிஎஸ்டி கட்டவேணாம்! ரூ1.26 லட்சம் மிச்சம் பண்ண இந்த காரை இப்படியும் வாங்கலாமா? யாருக்குமே இது தெரியாது!
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
ஏன் கமலா, உதயம் தியேட்டர்களில் காலா வெளியாகவில்லை.. வுண்டர்பார் நிறுவனம் விளக்கம்
Recommended Video
சென்னை: சென்னை கமலா மற்றும் உதயம் தியேட்டர்களில் காலா திரைப்படம் வெளியாகாதது ஏன் என்று காலா படத்தின் தயாரிப்பு நிறுவனமான வுண்டர்பார் விளக்கம்அளித்துள்ளது. மற்ற திரையரங்குகளை ஒப்புக்கொண்ட விதிகளை இந்த திரையரங்குகள் ஒப்புக்கொள்ளவில்லை என்று விளக்கம் அளித்துள்ளது.
ரஞ்சித் இயக்கத்தில் ரஜினியின் காலா திரைப்படம் நாளை உகம் முழுவதும் ரிலீசாகிறது. ஆனால் சென்னை கமலா மற்றும் உதயம் தியேட்டர்களில் காலா திரைப்படத்திற்குப் பதில், நாளை ஜூராசிக் வேர்ல்டு வெளியாகும் என அறிவிக்கப்பட்டுள்ளது.
ஏற்கனவே காலா படத்திற்கு கர்நாடகாவில் தடை உள்ளது. வெளியாவது சந்தேகத்தில் உள்ளது. தற்போது கமலா, உதயம் பின்வாங்கி இருப்பதால் ரஜினி ரசிகர்கள் ஏமாற்றம் அடைந்துள்ளனர். தமிழகத்திலும் 500க்கும் மேற்பட்ட தியேட்டர்களில் இப்படம் ரிலீசாகிறது.
சென்னை வடபழனியில் உள்ள கமலா தியேட்டரில் நாளை காலா படத்திற்குப் பதில் ஜூராசிக் வேல்டு படம் ரிலீசாகும் என அறிவிக்கப்பட்டுள்ளது. இது தொடர்பாக அத்தியேட்டரின் மேலாளர் கோபி அளித்துள்ள விளக்கத்தில், "காலா படக்குழுவின் நிபந்தனைகளுக்கு ஒப்புக் கொள்ள நாங்கள் தயாராக இல்லை. டிக்கெட்களை அதிக விலைக்கு விற்க விநியோகஸ்தர் தரப்பில் வலியுறுத்தப்பட்டது. ஆனால், பொதுமக்களிடம் அதிக கட்டணம் வசூலிக்க இயலாது என நாங்கள் மறுத்து விட்டோம். '' என்று விளக்கம் அளித்தார்.
இது பெரிய சர்ச்சையை ஏற்படுத்தியது. கமலா தியேட்டரின் இந்த குற்றச்சாட்டை வுண்டர்பார் நிறுவனம் மறுத்துள்ளது. இதுகுறித்து வுண்டர்பார் நிறுவனம் டிவிட்டரில் விளக்கம் அளித்துள்ளது.
அதில் ''மற்ற தியேட்டர்கள் ஏற்றுக்கொண்ட விதிகளை சென்னை கமலா தியேட்டரும், உதயம் தியேட்டரும் ஏற்கவில்லை. அதனால் படம் வெளியாகவில்லை. அதிக விலையில் டிக்கெட் வசூலிக்க சொன்னதால் படம் வெளியாகவில்லை என்று வெளியாகும் செய்தி முழுக்க முழுக்க பொய் ஆதாரமற்றது.'' என்று விளக்கம் அளித்துள்ளது.