ட்விட்டரில் டிரெண்டாகும் என்னை அறிந்தால் டீஸர்

சென்னை: அஜீத் நடித்துள்ள என்னை அறிந்தால் டீஸர் ஹேஷ்டேக் ட்விட்டர் இந்தியாவில் டிரெண்டாகிக் கொண்டிருக்கிறது.

கௌதம் மேனன் இயக்கத்தில் அஜீத் நடித்துள்ள என்னை அறிந்தால் படத்தின் டீஸர் இன்று வெளியிடப்பட்டுள்ளது. டீஸரை பார்த்த பலரும் அது சூப்பராக உள்ளதாக சமூக வலைதளங்களில் தெரிவித்துள்ளனர்.

டீஸரில் அஜீத் மூன்று விதமான கெட்டப்புகளில் அமைதியாக, அழுத்தமாக அதே சமயம் கெத்தாக வந்துள்ளார். படத்தின் இசை வரும் 25ம் தேதி வெளியிடப்படுகிறது. படம் பொங்கலுக்கு ரிலீஸாகும் என்று கூறப்படுகிறது.

இந்நிலையில் ட்விட்டரில் தேசிய அளவில் கிரிக்கெட் சேப்டி முதல் இடத்தில் டிரெண்டாகியுள்ளது. இரண்டாவது இடத்தில் #YennaiArindhaalTeaserStormOnDec4 டிரெண்டாகிக் கொண்டிருக்கிறது.

மேலும் மூன்றாவது இடத்தில் #VIJAY_22YearsOfGloriousJourney என்பது டிரெண்டாகி வருகிறது என்பது குறிப்பிடத்தக்கது.