Click it and Unblock the Notifications
யு ஏ சான்றுடன் வெளியாகிறது என்னை அறிந்தால்!
அஜீத்தின் என்னை அறிந்தால் படத்துக்கு கடைசி வரை யு சான்று கிடைக்கவில்லை. எனவே யு ஏ சான்றுடனே படத்தை வெளியிடுகிறார் தயாரிப்பாளர்.
கவுதம் மேனன் இயக்கியுள்ள இந்தப் படத்தில் ஆக்ஷன் காட்சிகளில் வன்முறை கூடுதலாக இருந்ததால் யு ஏ சான்று அளித்துள்ளனர் தணிக்கைக் குழுவினர்.
முதலில் இதை எதிர்த்து ரிவைசிங் கமிட்டிக்குப் போவதாக இருந்தனர். ஆனால் வெளியீட்டுத் தேதி அறிவிக்கப்பட்டு, தியேட்டர்கள் பட்டியலும் வெளியாகிவிட்டதால், இப்போது யு ஏ சான்றுடனேயே வெளியாகிறது என்னை அறிந்தால்.
இதனால் மாநில அரசின் கேளிக்கை வரி விலக்கு இந்தப் படத்துக்கு கிடைக்காது. வருகிற வசூலில் 30 சதவீதம் வரை அரசுக்கு வரியாக செலுத்த வேண்டும். தொலைக்காட்சியில் இந்தப் படம் வெளியாகும்போது மீண்டும் தணிக்கை செய்யப்பட வேண்டியிருக்கும்.
இவற்றைத் தவிர்க்கவே அனைவரும் யு சான்றுக்கு முயற்சிக்கிறார்கள். இந்த ஆண்டைப் பொறுத்தவரை வெளியான படங்களில் பெரும்பாலானவை யு ஏ-தான். ஷங்கரின் ஐ, எஸ் ஜே சூர்யா இயக்கி நடித்துள்ள இசை, எஸ் ஏ சந்திரசேகரனின் டூரிங் டாக்கீஸ் போன்றவைகூட யுஏதான்.
Continue with Google