‘பேட்ட’ தான் மிஸ் ஆகிடுச்சு.. ரஜினியின் அடுத்த படத்தில் நடிக்கும் பிரபல காமெடி நடிகர்!

கால்ஷீட் பிரச்சினை:

கால்ஷீட் பிரச்சினை காரணமாகவே யோகி பாபுவால் 'பேட்ட' படத்தில் நடிக்க முடியாமல் போய்விட்டது. ஆனால் சர்கார் படத்தில் யோகி பாபு நடித்ததால், ஏ.ஆர்.முருகதாஸ் தனது அடுத்த படத்திலும் நடிக்க வைக்க முடிவு செய்துள்ளார்.

முருகதாஸ் படம்:

இதனால் ரஜினியை வைத்து அவர் இயக்கும் புதிய படத்தில் யோகி பாபு நிச்சயம் இருப்பார் என்றே கோலிவுட் வட்டாரங்கள் கூறுகின்றனர். கால்ஷீட் பிரச்சினை வரக் கூடாது என்பதற்காக முன்கூட்டியே அவரை ஒப்பந்தம் செய்யவும் முருகதாஸ் முடிவு செய்துள்ளார்.

யோகிபாபுவின் ஆசை:

இதனால் ரஜினியுடன் நடிக்கும் யோகி பாபுவின் ஆசை நிறைவேற உள்ளது. பேட்ட படத்தில் மிஸ்ஸான வாய்ப்பு முருகதாஸ் படத்தில் கிடைத்துள்ளதால், யோகி பாபு மகிழ்ச்சியில் இருக்கிறாராம்.

காமெடி ஜோடி:

பொதுவாக தனது படங்களில் ரஜினியே காமெடியில் பின்னி பெடலெடுப்பார். அவருடன் காமெடி நடிகரும் சேர்ந்து விட்டால் படத்தில் நகைச்சுவைக்கு பஞ்சமே இருக்காது. ரஜினி-கவுண்டமணி, ரஜினி - செந்தில், ரஜினி- வடிவேலு என இந்தக் கூட்டணியில் பல வெற்றிப்படங்கள் வெளியாயின. ஆனால், சமீபகாலமாக ரஜினிக்கு அப்படிப்பட்ட காமெடி ஜோடி யாரும் கிடைக்கவில்லை. முருகதாஸ் படத்தில் அந்தக் குறையை யோகிபாபு நீக்குவார் என எதிர்பார்க்கப்படுகிறது.