Don't Miss!
- News சிறையில் இருந்தே டெல்லியில் ஆட்சி.. கெஜ்ரிவாலுக்கு அனுமதி கோரி உயர்நீதிமன்றத்தில் ஆம்ஆத்மி மனு
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Automobiles சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- Lifestyle மீன ராசியில் வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு தொழிலில் வெற்றிகள் குவியும்..
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
யோகிபாபுவின் நடிப்புத்திறனை வெளிப்படுத்தும் பொம்மை நாயகி.. வெளியானது சூப்பர் ட்ரெயிலர்!
சென்னை : நடிகர் யோகிபாபு காமெடியனாக கோலிவுட்டில் களமிறங்கி ஏராளமான படங்களில் நடித்து ஏராளமான ரசிகர்களை பெற்றுள்ளார்.
காமெடியனாக இருந்தாலும் மண்டேலா உள்ளிட்ட பல படங்களில் இவர் தனது நடிப்புத் திறனை வெளிப்படுத்தி வருகிறார்.
தற்போது இவரது நடிப்பில் பா ரஞ்சித் தயாரிப்பில் பொம்மை நாயகி என்ற படம் வரும் பிப்ரவரி மாதம் 3ம் தேதி திரையரங்குகளில் ரிலீசாகவுள்ளது.
கார்த்திகை தீபத்தையொட்டி பழனியில் பிரபல காமெடி நடிகர் யோகிபாபு சாமி தரிசனம்!
நடிகர் யோகிபாபு
நடிகர் யோகி பாபு காமெடியனாக கோலிவுட்டில் களமிறங்கி விஜய் உள்ளிட்ட முன்னணி நடிகர்களுடன் இணைந்து நடித்துள்ளார். பல வெற்றிப் படங்களில் இவரது பங்கு கணிசமாக இருந்து வருகிறது. தொடர்ந்து முன்னணி நடிகர்களுடன் இவர் நடித்து வருகிறார். இவரது கால்ஷீட்டிற்காக இயக்குநர்கள் மற்றும் தயாரிப்பாளர்கள் காத்திருக்கும் நிலை காணப்படுகிறது.
நாயகனாக நடிக்கும் யோகிபாபு
இதனிடையே தன்னுடைய நடிப்பை வெளிப்படுத்தும் வகையில் மண்டேலா உள்ளிட்ட படங்களிலும் யோகி பாபுவை காண முடிகிறது. இந்தப் படங்களில் இவரது நடிப்பு சிறப்பான விமர்சனங்களை பெற்றுள்ள நிலையில், தொடர்ந்து இவருக்கு ஹீரோவாக நடிக்கும் வாய்ப்புகளும் அதிகளவில் கிடைத்து வருகிறது.
பொம்மை நாயகி படம்
இந்நிலையில் தற்போது பா ரஞ்சித்தின் நீலம் புரொடக்ஷன்ஸ் தயாரிப்பில் உருவாகியுள்ள பொம்மை நாயகி படத்தில் நாயகனாக நடித்துள்ளார் யோகிபாபு. இந்தப் படத்தை ஷான் என்பவர் எழுதி இயக்கியுள்ளார். பாலியல் துன்புறுத்தலுக்கு ஆளாகும் தன்னுடைய மகளுக்காக போராடும் தந்தையாக இந்தப் படத்தில் யோகிபாபு நடித்துள்ளார்.
பிப்ரவரி 3ம் தேதி ரிலீஸ்
பொம்மை நாயகி படம் வரும் பிப்ரவரி 3ம் தேதி திரையரங்குகளில் ரிலீசாக உள்ள நிலையில், படத்தின் ட்ரெயிலரை படக்குழு தற்போது வெளியிட்டுள்ளது. மிகவும் இயல்பான தன்னுடைய நையாண்டிகளை ஓரம்கட்டிவிட்டு படத்தில் யோகிபாபு பொறுப்புள்ள தந்தையாக நடித்துள்ளது தெரிகிறது.
இயக்குநராக மட்டுமில்லாமல் அடுத்தடுத்த படங்களை தன்னுடைய நீலம் புரொடக்ஷன்ஸ் நிறுவனத்திற்காக தயாரித்து வருகிறார் பா ரஞ்சித். கடந்த ஆண்டில் இவரது நடிப்பில் சமுத்திரக்கனி நடிப்பில் வெளியான ரைட்டர் படம் மிகச்சிறந்த விமர்சனங்களை பெற்றது. தொடர்ந்து கலையரசன் நடிப்பில் குதிரைவால் என்ற படமும் வெளியானது. தற்போது யோகிபாபு நடிப்பில் பொம்மை நாயகி படம் வெளியாகவுள்ளது.