யோகிபாபுவின் நடிப்புத்திறனை வெளிப்படுத்தும் பொம்மை நாயகி.. வெளியானது சூப்பர் ட்ரெயிலர்!

நடிகர் யோகிபாபு

நடிகர் யோகி பாபு காமெடியனாக கோலிவுட்டில் களமிறங்கி விஜய் உள்ளிட்ட முன்னணி நடிகர்களுடன் இணைந்து நடித்துள்ளார். பல வெற்றிப் படங்களில் இவரது பங்கு கணிசமாக இருந்து வருகிறது. தொடர்ந்து முன்னணி நடிகர்களுடன் இவர் நடித்து வருகிறார். இவரது கால்ஷீட்டிற்காக இயக்குநர்கள் மற்றும் தயாரிப்பாளர்கள் காத்திருக்கும் நிலை காணப்படுகிறது.

நாயகனாக நடிக்கும் யோகிபாபு

இதனிடையே தன்னுடைய நடிப்பை வெளிப்படுத்தும் வகையில் மண்டேலா உள்ளிட்ட படங்களிலும் யோகி பாபுவை காண முடிகிறது. இந்தப் படங்களில் இவரது நடிப்பு சிறப்பான விமர்சனங்களை பெற்றுள்ள நிலையில், தொடர்ந்து இவருக்கு ஹீரோவாக நடிக்கும் வாய்ப்புகளும் அதிகளவில் கிடைத்து வருகிறது.

பொம்மை நாயகி படம்

இந்நிலையில் தற்போது பா ரஞ்சித்தின் நீலம் புரொடக்ஷன்ஸ் தயாரிப்பில் உருவாகியுள்ள பொம்மை நாயகி படத்தில் நாயகனாக நடித்துள்ளார் யோகிபாபு. இந்தப் படத்தை ஷான் என்பவர் எழுதி இயக்கியுள்ளார். பாலியல் துன்புறுத்தலுக்கு ஆளாகும் தன்னுடைய மகளுக்காக போராடும் தந்தையாக இந்தப் படத்தில் யோகிபாபு நடித்துள்ளார்.

பிப்ரவரி 3ம் தேதி ரிலீஸ்

பொம்மை நாயகி படம் வரும் பிப்ரவரி 3ம் தேதி திரையரங்குகளில் ரிலீசாக உள்ள நிலையில், படத்தின் ட்ரெயிலரை படக்குழு தற்போது வெளியிட்டுள்ளது. மிகவும் இயல்பான தன்னுடைய நையாண்டிகளை ஓரம்கட்டிவிட்டு படத்தில் யோகிபாபு பொறுப்புள்ள தந்தையாக நடித்துள்ளது தெரிகிறது.

இயக்குநராக மட்டுமில்லாமல் அடுத்தடுத்த படங்களை தன்னுடைய நீலம் புரொடக்ஷன்ஸ் நிறுவனத்திற்காக தயாரித்து வருகிறார் பா ரஞ்சித். கடந்த ஆண்டில் இவரது நடிப்பில் சமுத்திரக்கனி நடிப்பில் வெளியான ரைட்டர் படம் மிகச்சிறந்த விமர்சனங்களை பெற்றது. தொடர்ந்து கலையரசன் நடிப்பில் குதிரைவால் என்ற படமும் வெளியானது. தற்போது யோகிபாபு நடிப்பில் பொம்மை நாயகி படம் வெளியாகவுள்ளது.