நயன் காதலரின் கன்னத்தை கிள்ளி ‘க்யூட்’ சொல்லும் நடிகர்.. வைரலாகும் வீடியோ

சர்ச்சை போஸ்டர்:

கடந்த மாதம் விஜய் பிறந்தநாளையொட்டி வெளியான இப்படத்தின் போஸ்டர் பெரும் சர்ச்சையை உண்டாக்கியது. போஸ்டரில் விஜய் புகைப்பிடிப்பது போன்று இருப்பதற்கு சில கட்சிகள் மற்றும் அமைப்புகள் எதிர்ப்பு தெரிவித்தன.

விஜய்க்கு நோட்டீஸ்:

இது தொடர்பாக தமிழக சுகாதாரத்துறையும் விஜய் மற்றும் முருகதாஸுக்கு நோட்டீஸ் அனுப்பியது. அதனைத் தொடர்ந்து சன் பிக்சர்ஸ் தனது டிவிட்டர் பக்கத்தில் இருந்து சம்பந்தப்பட்ட போஸ்டரை நீக்கியது.

முக்கிய காட்சிகள்:

இந்நிலையில் இப்படத்தின் அடுத்தகட்ட படப்பிடிப்பு சென்னையில் நடந்து வருகிறது. சென்னை கிழக்கு கடற்கரை சாலையில் உள்ள ஈ.வி.பி. பிலிம்சிட்டியில் பிரம்மாண்ட அரங்குகள் அமைத்து முக்கிய காட்சிகள் படமாக்கப்பட்டு வருகின்றன.

வரலட்சுமி:

இந்த சூழ்நிலையில் படப்பிடிப்பின் போது எடுக்கப்பட்ட யோகி பாபுவின் புதிய வீடியோ ஒன்றை வரலட்சுமி தனது டிவிட்டர் பக்கத்தில் வெளியிட்டுள்ளார். அதில் ஆப் மூலம் யோகி பாபு பெண் போன்ற அலங்காரம் செய்யப்பட்டுள்ளது.

யார் எனத் தெரிகிறதா?

கூடவே, யோகி பாபுவின் கன்னத்தை கை ஒன்று, ‘சோ க்யூட்' எனக் கிள்ளுவது போன்றும், அதற்கு யோகி பாபு முறைப்பது போன்றும் காட்சிகள் உள்ளது. இந்த வீடியோவுடன் கூடிய பதிவில், ‘யோகி பாபுவை கிள்ளும் அந்த நபர் யார் என்று கண்டுபிடியுங்கள்' என வரலட்சுமி புதிர் போட்டுள்ளார்.

விஜய் தான்:

வரலட்சுமியின் இந்தக் கேள்வியினாலேயே அது விஜய் தான் என்பது மறைமுகமாகத் தெரிகிறது. இரண்டே நாட்களில் இந்த வீடியோவை இதுவரை 78 ஆயிரத்திற்கும் அதிகமானோர் பார்த்து ரசித்துள்ளனர். இந்த வீடியோ இப்போது வைரலாகியுள்ளது.