பாகுபலி போஸ்டர்கள்... அட, இது 'திருவண்ணாமலை அர்ஜூன்' டிசைனாச்சே!

எதிர்ப்பார்ப்பு

பிரபாஸ், அனுஷ்கா, ராணா, தமன்னா ஆகியோர் நடித்துள்ள இந்தப் படத்தை ராஜமௌலி இரண்டு வருடத்திற்கும் மேலாக எடுத்து வருகிறார்.

பெரும் எதிர்ப்பார்ப்பை ஏற்படுத்தியுள்ள இந்தப் படம் ஜூலை மாதம் திரைக்கு வரும் படக்குழுவினர் தெரிவித்துள்ளனர்.

பர்ஸ்ட் லுக்

இந்நிலையில் பாகுபலி படத்தின் பர்ஸ்ட் லுக் போஸ்டர் நேற்று முன்தினம் வெளியிடப்பட்டது. அதில் தண்ணீரின் மேல் குழந்தை ஒன்றை கை தாங்குவது போல் காட்சி இடம்பெற்றுள்ளது.

ஹாலிவுட் காப்பி

ஆனால் தற்போது இந்தப் போஸ்டர் சர்ச்சையில் கிக்கியுள்ளது. 1998 ஆம் ஆண்டு வெளிவந்த ஹாலிவுட் படமான சைமன் பிரிச் படத்தின் போஸ்டர் போலவே பாகுபலி போஸ்டரும் வடிவமைக்கப்பட்டுள்ளதாக சமூக வலைதளங்களில் வேகமாக பகிரப்பட்டு வருகின்றன. இது படக்குழுவினரை அதிர்ச்சியடையச் செய்துள்ளது.

அடுத்த அதிர்ச்சி...

படத்தின் இரண்டாவது போஸ்டர் நேற்று வெளியிட்டிருந்தனர். அதில் ஒரு பெரிய சிவலிங்கத்தை பிரபாஸ் தூக்கி வருவதைப் போல காட்சி இருந்தது. இந்தப் போஸ்டரும் சர்ச்சைக்கு தப்பவில்லை. காரணம் சில ஆண்டுகளுக்கு முன் வெளியான தமிழ்ப் படமான திருவண்ணாமலையில் அர்ஜூன் இதே போல பெரிய சிவலிங்கத்தைத் தூக்கிக் கொண்டு வருவது போல போஸ்டர் வெளியானது நினைவிருக்கலாம்.

கிண்டல்

என்னம்மா இப்படி பண்றீங்களேம்மா... என்ற கேப்ஷனோடு இந்த இரு போஸ்டர்களையும் கிண்டலடித்து எழுத ஆரம்பித்துவிட்டனர் மவுஸ் பிடிக்கத் தெரிந்த அனைவரும்!