Don't Miss!
- News இந்திய பணக்காரர்களில் ஒரு முஸ்லிம்கூட இல்லையே ஏன்? மோடிக்கு காங். கேள்வி
- Lifestyle Constipation: மலச்சிக்கல் பிரச்சனையில் இருந்து உடனே விடுபடணுமா? இந்த பானங்களை தினமும் குடிங்க..
- Automobiles கார்ல போகும் போது அதிக சத்தமாக பாட்டு கேட்டா இப்படி ஒரு பிரச்சனைவருமா? இது பலருக்கும் தெரியாத விஷயமா இருக்கு
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Finance மியூச்சுவல் ஃபண்ட்களில் முதலீடு செய்ய சரியான நேரம் எது? இதை நோட் பண்ணிக்கோங்க!
- Technology ரூ.56,999 க்கு அறிமுகமான OnePlus போனை ரூ.19,149 க்கு விற்கும் Amazon.. ஆல் ஏரியாவிலும் ஆர்டர் பறக்குது!
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
எருமசாணி, மெட்ராஸ் சென்ட்ரல் யூ-ட்யூப் பிரபலங்கள் நடிக்கும் படம் - டைட்டில் இதுதான்!
Recommended Video
சென்னை : இப்போது தமிழ் சினிமாவிலும் ஆன்லைன் ஆதிக்கம். யூ-ட்யூப் சேனல், வெப் சீரிஸ் எனக் கலக்கும் பலர் தமிழ் சினிமாவில் தொடர்ந்து அறிமுகமாகி வருகிறார்கள்.
இந்நிலையில், எரும சாணி, மெட்ராஸ் சென்ட்ரல் யூ-ட்யூப் சேனல்களைச் சேர்ந்த நடிகர்கள் இணைந்து 'ஓடவும் முடியாது ஒளியவும் முடியாது' என ஒரு படத்தில் நடிக்க இருக்கிறார்கள்.
இந்தப் படத்தின் படப்பிடிப்புப் பணிகள் விரைவில் தொடங்க இருக்கின்றன. அடுத்த ஆண்டு ஏப்ரலில் படத்தை வெளியிடத் திட்டமிட்டிருக்கிறார்களாம்.
காமெடி சேனல் நடிகர்கள்
யூ-ட்யூப் ரசிகர்களுக்கு எரும சாணி குழு பற்றித் தெரியும். நாட்டு நடப்புகளை காமெடி வீடியோவாக்கி அலற விட்டுக் கொண்டிருப்பவர்கள். அவர்கள் இப்போது சினிமாவுக்கு வருகிறார்கள். எரும சாணி குழுவில் உள்ள விஜய், ஹரிஜா, விக்கி, 'மெட்ராஸ் சென்ட்ரல்' கோபி, சுதாகர், டெம்பிள் மங்கீஸ் ஷாரா, அகஸ்டின் ஆகியோர் நடிக்கிறார்கள்.
ஓடவும் முடியாது ஒளியவும் முடியாது
இந்த யூ-ட்யூப் சேனல்களில் உள்ளவர்கள் இணைந்து 'ஓடவும் முடியாது ஒளியவும் முடியாது' என்ற படத்தை உருவாக்குகிறார்கள். பிக்பாஸ் நிகழ்ச்சியைத் தொகுத்து வழங்கிய கமல்ஹாசனின் புகழ்பெற்ற வாசகம் இது. ஏற்கெனவே, இந்த வசனத்தை வைத்து 'மெட்ராஸ் சென்ட்ரல்' குழுவினர் வீடியோ வெளியிட்டிருந்தது குறிப்பிடத்தக்கது.
கிளாப்ப் போர்ட் நிறுவனம்
இந்தப் படத்தை கிளாப்போர்ட் நிறுவனத்தின் சார்பில் வி.சத்யமூர்த்தி தயாரிக்கிறார். ஜோஸ்வா ஜே.பெரோஸ் ஒளிப்பதிவு செய்கிறார். கௌசிக் ரவி இசை அமைக்கிறார். ரமேஷ் வெங்கட் இயக்குகிறார். 'ஓடவும் முடியாது ஒளியவும் முடியாது' படம் எடுப்பது பற்றி தயாரிப்பாளர் வி.சத்யமூர்த்தி உறுதிப்படுத்தியுள்ளார்.
யதார்த்தமான சந்திப்பில்
'ஒரு யதார்த்தமான சந்திப்பில் பேசி முடிவெடுக்கப்பட்டது தான் 'இந்த ஓடவும் முடியாது ஒளியவும் முடியாது' திரைப்படம். எங்கள் திரைப்படத்தில் பணியாற்றும் எல்லாக் கலைஞர்களின் மீதும் எனக்கு முழு நம்பிக்கை இருக்கிறது. நிச்சயமாக இந்த படம் குழந்தைகள் முதல் பெரியவர்கள் வரை எல்லா தரப்பு ரசிகர்களாலும் ரசிக்கக்கூடிய திரைப்படமாக உருவெடுக்கும்.
டிசம்பரில் ஆரம்பம்
வருகிற டிசம்பர் மாதம் படத்தின் படப்பிடிப்பு வேலைகள் ஆரம்பமாக இருக்கிறது. 2018-ம் ஆண்டின் கோடை விருந்தாக 'ஓடவும் முடியாது ஒளியவும் முடியாது' திரைப்படம் இருக்கும்' எனத் தெரிவித்திருக்கிறார் தயாரிப்பாளர் வி.சத்யமூர்த்தி.