த்ரிஷா எதுக்கு நான் இருக்கேன்...இளம் நடிகை வெளியிட்ட வீடியோ

ஏ.ஆர்.ரஹ்மானிடம் பேசிய கவுதம் மேனன்

இந்த படத்தின் இரண்டாம் பாகத்தை எடுக்கச் சொல்லி ரசிகர்கள் பல ஆண்டுகளாக கோரிக்கை வைத்து வருகின்றனர். கவுதம் மேனனும் 2020 ம் ஆண்டு லாக்டவுன் சமயத்தில் இது பற்றி ஏ.ஆர்.ரஹ்மானிடம் பேசி உள்ளார்.

இறுதியாகிறது விடிவி 2

விண்ணை தாண்டி வருவாயா படத்தை மையமாக வைத்து எடுக்கப்பட்ட கார்த்தி டயல் செய்த எண் என்ற குறும்படத்தை சிம்பு, த்ரிஷா, ஏ.ஆர்.ரஹ்மான் கூட்டணியில் உருவாக்க கவுதம் மேனன் திட்டமிட்டுள்ளார்.

இளம் நடிகை வெளியிட்ட வீடியோ

இதனால் விண்ணை தாண்டி வருவாயா 2 படம், மீண்டும் அதே கூட்டணியில் உருவாக உள்ளது இறுதியானது. இந்நிலையில் இந்த படத்தை தயாரிப்பவர்களின் கவனத்தை தன் பக்கம் ஈர்ப்பதற்காக, இளம் நடிகை ஒருவர் ஹீரோயின் கேரக்டரில் த்ரிஷாவிற்கு பதில் தன்னை நடிக்க வைக்கும்படி மறைமுகமாக கேட்டு வீடியோ ஒன்றையும் வெளியிட்டுள்ளார்.

த்ரிஷா உடையில் ரிபா

அந்த இளம் நடிகை வேறு யாரும் இல்லை. பிகில் படத்தில் நடித்த ரிபா மோனிகா ஜான் தான். அந்த வீடியோவில் ரிபா, விண்ணை தாண்டி வருவாயா படத்தில் த்ரிஷா அணிந்திருந்த புகழ்பெற்ற நீல நிற புடவை, ஸ்லீவ்லெஸ் ஜாக்கெட் அணிந்து காட்சி அளித்துள்ளார். இந்த வீடியோ தற்போது பலரின் கவனத்தை ஈர்த்துள்ளது.

த்ரிஷாவிற்கு பதில் நான்

அத்துடன், ஒருவேளை விண்ணை தாண்டி வருவாயா 2 படம் உருவானால் உங்களுக்கு தெரியும் யாரை கூப்பிடுவார்கள் என்று, என்கிற கேப்ஷனுடன் வீடியோவை வெளியிட்டுள்ளார். ட்விட்டரில் ரிபா பதிவிட்டுள்ள வீடியோ பரபரப்பை ஏற்படுத்தி உள்ளது.

Recommended Video

SHORT HAIR SWEETIES| HEROINES WITH SHORT HAIR| FILMIBEAT TAMIL

குட்டி பட்டாஸ் நடிகையின் குறும்பு

குக் வித் கோமாளி புகழ் அஸ்வின் நடித்து, சமீபத்தில் வெளியாகி, இளைஞர்களிடம் பெரும் வரவேற்பை பெற்ற ஹிட் வீடியோவான குட்டி பட்டாஸ் வீடியோ பாடலில் ரிபா நடித்திருந்தார். சில மலையாள படங்களிலும் நடித்து வருகிறார்.