இளையராஜா பயோபிக்... இயக்குனர் ஆகறது... இதெல்லாம் இல்லையாமே? நோ என்கிறார் யுவன் சங்கர் ராஜா

இளையராஜா

இந்நிலையில், இசைஞானி இளையராஜாவின் வாழ்க்கைக் கதையை திரைப்படமாக்க இருக்கிறேன் என்று இசை அமைப்பாளர் யுவன்சங்கர் ராஜா தெரிவித்ததாக செய்திகள் வெளியாயின.

ராஜா தி ஜர்னி

இந்தப் படம் மூலம் இயக்குநர் ஆக இருப்பதாகவும் அந்தப் படத்துக்கு, ராஜா தி ஜர்னி என்ற டைட்டில் பொருத்தமாக இருக்கும் என்றும் அவர் சொன்னதாகவும் கூறப்பட்டன.

நடிகர் தனுஷ்

இதில் நடிக்க, யார் பொருத்தமாக இருப்பார் என்று கேட்டபோது, நடிகர் தனுஷ் பொருத்தமாக இருப்பார் என்று யுவன் சங்கர்ராஜா தெரிவித்தாக செய்தி வந்தது. இதனால் விரைவில் இளையராஜாவின் வாழ்க்கை கதை படம் குறித்த அறிவிப்பு விரைவில் வெளியாகலாம் என்று சினிமா வட்டாரத்தில் பேசப்பட்டது.

மறுப்பு

இந்நிலையில் இதை இசை அமைப்பாளர் யுவன் சங்கர் ராஜா மறுத்துள்ளார். அந்தச் செய்தியில் உண்மை இல்லை என்று கூறியுள்ள யுவன் சங்கர், இசை அமைப்பதில் கவனம் செலுத்தி வருகிறேன் என்று தெரிவித்துள்ளார். அவர் இப்போது சுமார் 10 படங்களுக்கு இசை அமைத்துவருகிறார்.