ஓடிடியில் வெளியாகும் லவ் டுடே படம்.. எப்ப தெரியுமா.. காத்திருக்கும் ரசிகர்கள்!

இயக்குநர் பிரதீப் ரங்கநாதன்

இயக்குநர் பிரதீப் ரங்கநாதன் இயக்கம் மற்றும் நடிப்பில் கடந்த 4ம் தேதி திரையரங்குகளில் வெளியான லவ் டுடே படம் சிறப்பான வரவேற்பையும் வசூலையும் பெற்று சாதனை படைத்துள்ளது.கோமாளி என்ற வெற்றிப் படத்தை கொடுத்த பிரதீப், அந்தப் படத்தை பீட் செய்யும் வகையில் லவ் டுடே படத்தை வெற்றிப்படமாக கொடுத்து சாதனை புரிந்துள்ளார்.

வரவேற்பை பெற்ற பாடல்கள்

லவ் டுடே படத்திற்கு யுவன் இசையமைத்துள்ள நிலையில், பாடல்களும் மிகுந்த வரவேற்பை பெற்றுள்ளன. படத்தின் ரிலீசுக்கு முன்னதாக வெளியிடப்பட்ட ட்ரெயிலர் படத்திற்கு சிறப்பான ப்ரமோஷனாக அமைந்தது. தொடர்ந்து பாடல்களும் சிறப்பான ப்ரமோஷனை படத்திற்கு கொடுத்தது. ட்ரெயிலர் மற்றும் பாடல்கள் கொடுத்த எதிர்பார்ப்புடன் படத்தை பார்த்த ரசிகர்களுக்கு இந்தப் படம் சிறப்பான அனுபவத்தை கொடுத்துள்ளது.

தெலுங்கிலும் ரிலீஸ்

இந்தப் படம் தற்போது தெலுங்கிலும் டப் செய்யப்பட்டு வெளியானது. தமிழில் இதுவரை 75 கோடி ரூபாய்க்கும் மேலாக இந்தப் படம் வசூல் செய்துள்ள நிலையில், தெலுங்கிலும் படத்திற்கு சிறப்பான வரவேற்பு கிடைத்துள்ளது. தெலுங்கில் முதல் நாளில் மட்டுமே 2 கோடி ரூபாய்க்கும் மேலாக வசூலை இந்தப் படம் கொடுத்துள்ளது. தெலுங்கில் அஜித் மற்றும் சூர்யா நடிப்பில் வெளியான வலிமை மற்றும் எதற்கும் துணிந்தவன் ஆகிய படங்களில் முதல் நாள் வசூலை இந்தப் படம் முறியடித்துள்ளது.

தமிழ் -தெலுங்கில் சிறப்பான வரவேற்பு

தமிழ் மற்றும் தெலுங்கில் சிறப்பான வரவேற்பை பெற்றுள்ள இந்தப் படம் விரைவில் 100 கோடி ரூபாய் வசூலை எட்டும் என்று எதிர்பார்க்கப்படுகிறது. இதனிடையே இந்தப் படத்தின் ஓடிடி ரிலீஸ் குறித்த தகவலையும் தற்போது படக்குழு வெளியிட்டுள்ளது. திரையரங்குகளில் ரசிகர்களை வெகுவாக கவர்ந்த இந்தப் படம் வரும் டிசம்பர் 2ம் தேதி நெட்பிளிக்சில் வெளியாகவுள்ளதாக தற்போது தெரிவிக்கப்பட்டுள்ளது.

டிசம்பர் 2ம் தேதி ஓடிடியில் ரிலீஸ்

இந்த ஆண்டில் வசூல் மழையை பொழிந்த படங்களில் ஒன்றாக இடம்பெற்றுள்ளது லவ் டுடே. இந்நிலையில் இந்தப் படம் திரையரங்குகளில் ரிலீசான ஒரு மாதத்திற்குள்ளாகவே ஓடிடியில் வெளியாகவுள்ளது. இதனால் ரசிகர்கள் மிகுந்த உற்சாகம் அடைந்துள்ளனர். திரையரங்குகளில் சென்று பார்க்க முடியாத ரசிகர்கள் இதன்மூலம் ஓடிடியில் பார்த்துக் கொள்ள முடியும். ஓடிடியிலும் லவ் டுடே படம் பட்டையை கிளப்பும் என்று எதிர்பார்க்கலாம்.

மீண்டும் வெற்றிப் பெற்ற லவ் டுடே டைட்டில்

கோமாளி என்ற படத்தின்மூலம் கவனம் ஈர்த்த பிரதீப் ரங்கநாதன், தன்னுடைய அடுத்தப்படத்திலேயே தானே ஹீரோவாக களமிறங்கும் முயற்சியில் ஈடுபட்டு அதில் வெற்றியும் பெற்றுள்ளார். லவ் டுடே என்ற விஜய் படத்தின் டைட்டிலைக் கொண்டு களமிறங்கியுள்ள பிரதீப், அந்த டைட்டிலை மீண்டும் வெற்றிப் பெற செய்துள்ளார். தொடர்ந்து முன்னணி நடிகர்களை இயக்கும் முயற்சியிலும் ஈடுபட்டுள்ளார்.