Don't Miss!
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Lifestyle சப்பாத்திக்கு ஒருடைம் உருளைக்கிழங்கு வெச்சு இப்படி கிரேவி செஞ்சு பாருங்க.. டேஸ்ட் சும்மா அள்ளும்...
- Sports அடுத்தடுத்த வீழ்ந்த 2 வீரர்கள்.. சிஎஸ்கே பேட்டிங் வரிசையில் நடந்த மாற்றம்.. ஜடேஜா களமிறங்கியது ஏன்?
- News தமிழகத்தில் 72% வாக்குப்பதிவு! 2019இல் தேர்தலில் பதிவான வாக்குகள் எவ்வளவு - தொகுதி வாரியான விவரம்
- Technology ஆத்தாடி.. ஒரே போனை வைத்து.. இந்தியாவில் சம்பவம் செய்ய பார்க்கும் Samsung.. பட்ஜெட்ல அறிமுகமாகும் புது Mobile..
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
என்னது இத்தனை மொழிகளில் வெளியாகுதா.. ஓடிடியில் வெளியாகும் ஐஸ்வர்யாவின் சுழல் வெப் தொடர்!
சென்னை : நடிகை ஐஸ்வர்யா ராஜேஷ், கதிர், பார்த்திபன், ஸ்ரேயா ரெட்டி உள்ளிட்டவர்கள் நடிப்பில் உருவாகியுள்ளது சுழல் வெப் தொடர்.
இந்தத் தொடர் அமேசான் ப்ரைம் ஓடிடி தளத்தில் வெளியாகவுள்ளது. இதன் அறிமுக நிகழ்ச்சி கடந்த ஏப்ரல் மாதத்தில் நடைபெற்றது.
இந்தத் தொடரை பிரபல இயக்குநர்கள் புஷ்கர் -காயத்ரி தயாரித்துள்ளனர்.
ஓடிடி.,யில் ஒளிபரப்பாகும் நயன்தாராவின் திருமணம்...எதிர்பார்ப்பில் ரசிகர்கள்
ஓடிடிக்கு பெரும் வரவேற்பு
திரையரங்குகளுக்கு இணையாக ஓடிடி தளங்களையும் ரசிகர்கள் அதிகமாக பார்க்கத் துவங்கியுள்ளனர். வீட்டிலிருந்தபடியே குறைந்த கட்டணங்களை செலுத்தி இத்தகைய ஓடிடி தளங்களை பார்க்கும் வசதி உள்ளதால் ஓடிடி தளங்களுக்கான ஆதரவு சமீபகாலங்களில் மிகவும் அதிகரித்துள்ளன.
ஓடிடியை ஆக்கிரமிக்கும் வெப் தொடர்கள்
இந்த தளங்களில் நமக்கு பிடித்தமான நடிகர்களின் தற்போதைய படங்களை மட்டுமின்றி பழைய படங்களையும் பார்க்கலாம் என்பதும் இந்த தளங்களுக்கான வரவேற்பு அதிகரித்து காணப்படுவதற்கான காரணங்களில் மிகவும் முக்கியமானதாக காணப்படுகிறது. மேலும் இந்த ஓடிடி தளங்களில் திரைப்படங்களுக்கு இணையாக வெப் தொடர்களும் வரவேற்பு பெற்று வருகின்றன.
அதிகமான வெப் தொடர்கள்
ஹாலிவுட்டில் அதிகமாக வெப் தொடர்கள் வெளியான நிலையில், தற்போது இந்தியாவிலும் இதற்கான மார்க்கெட் அதிகரித்துள்ளது. தற்போதைய ட்ரெண்டிங்கை நன்கு உணர்ந்துள்ள ஓடிடி தளங்கள் பல வெப் தொடர்களை களமிறக்கியுள்ளன. அந்த வகையில் அமேசான் ப்ரைம் ஓடிடி தளமும் பல வெப் தொடர்களை வெளியிட்டு வருகிறது.
புதிய வெப் தொடர்கள்
மேலும் புதிய வெப் தொடர்களையும் கடந்த ஏப்ரல் மாதத்தில் பிரம்மாண்ட நிகழ்ச்சி ஒன்றின் மூலம் அறிமுகப்படுத்தியது. இதில் பல தொடர்கள் அறிமுகப்படுத்தப்பட்ட நிலையில் பிரபல இயக்குநர்கள் புஷ்கர் -காயத்ரி தயாரிப்பில் பிரம்மா மற்றும் அரவிந்த் ஆகியோர் இயக்கத்தில் சுழல் என்ற புதிய தொடர் அறிமுகப்படுத்தப்பட்டது.
30 மொழிகளில் சுழல் வெப் தொடர்
இந்தத் தொடரில் ஐஸ்வர்யா ராஜேஷ், கதிர், பார்த்திபன், ஷ்ரேயா ரெட்டி ஆகியோர் முதன்மை கதாபாத்திரங்களில் நடித்துள்ளனர். இதனிடையே தற்போது இந்தத் தொடர் வரும் 17ம் தேதி முதல் வெளியாகவுள்ளதாக அறிவிக்கப்பட்டுள்ளது. மேலும் இந்தத் தொடர் இந்தியா மற்றும் சர்வதேச அளவில் 30 மொழிகளில் வெளியாகவுள்ளதாகவும் அறிவிப்பு வெளியாகியுள்ளது.
240 நாடுகளில் சுழல் வெப் தொடர்
மேலும் 240 நாடுகளில் இந்தத் தொடர் வெளியாகவுள்ளதாகவும் கூறப்பட்டுள்ளது. படங்களில் மட்டுமில்லாமல் இத்தகைய வெப் தொடர்களிலும் நடிக்க தற்போது நடிகர்கள் ஆர்வம் காட்டி வருகின்றனர். இதில் விஜய் சேதுபதி உள்ளிட்ட முன்னணி நடிகர்களும் நடிக்க ஆர்வம் காட்டுகின்றனர்.
புஷ்கர் -காயத்ரி கதை
இந்த வெப் தொடருக்கு புஷ்கர் -காயத்ரியே கதை எழுதியுள்ளதால் படத்திற்கான எதிர்பார்ப்பு அதிகரித்துள்ளது. மேலும் 30க்கும் மேற்பட்ட மொழிகளில் வெளியாவதும் இந்த தொடருக்கான கூடுதல் சிறப்பாக பார்க்கப்படுகிறது. இதனால் படக்குழுவினர் மிகுந்த உற்சாகத்துடன் காணப்படுகின்றனர்.