Don't Miss!
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Lifestyle April Horoscope 2024: ஏப்ரல் மாதம் இந்த ராசிக்காரர்களுக்கு பண மழை பொழியப் போகுது...
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- News தேனி அருகே ஒரு குடும்பத்தைச் சேர்ந்த 3 பேர் அடுத்தடுத்து உயிரிழப்பு.. போலீசார் தீவிர விசாரணை
- Sports ரூ.8.4 கோடியை மறந்துவிடு.. உன்னோட வேலை அதுமட்டும் தான்.. தோனியின் வார்த்தை குறித்து சிஎஸ்கே சிங்கம்!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
முன்னணி நடிகர்கள்... இயக்குநர்கள்... அடுத்தடுத்த வெப் தொடர்கள்... களத்தில் அமேசான் ப்ரைம்
சென்னை : கொரோனா பரவல் கொடுத்த வரம் ஓடிடி தளங்கள். அதிலும் சர்வதேச அளவில் வெப் தொடர்கள் இதன்மூலம் ரசிகர்களை அதிகளவில் ரீச் செய்துள்ளது. இந்தியாவிலும் பல வெப் தொடர்கள் ரசிகர்களை ஈர்த்து வருகிறது.இதையடுத்து ஓடிடி தளங்கள் அதிகமாக வெப் தொடர்களை ரசிகர்களுக்கு கொடுக்கும் முயற்சியில் இறங்கியுள்ளன.
வெப் சீரிஸ்ல பாட்டுக்கு பட்ஜெட் கிடையாது.. நடிகை நமீதா சுவாரஸ்யம்!
வரவேற்பை பெறும் வெப் தொடர்கள்
கொரோனா காரணமாக வீட்டில் முடங்கிய ரசிகர்களுக்கு உறுதுணையாக இருந்தது ஓடிடி தளங்கள்தான். அந்த வகையில் அனைத்துவிதமான படங்களையும் அதன் துணையுடன் வீட்டிலிருந்தபடியே பார்க்க அவர்கள் தயாராகினர். அதிலும் குறிப்பாக சமீப காலங்களில் வெப் தொடர்கள் சர்வதேச அளவில் ரசிகர்களை வெகுவாக ரீச் செய்துள்ளது.
ரசிகர்களை ஈர்க்கும் வெப் தொடர்கள்
இந்தியாவிலும் ரசிகர்களை வெப் தொடர்கள் சமீப காலங்களில் அதிகமாக கவர்ந்து வருகிறது. இதனை பார்ப்பவர்களின் எண்ணிக்கை அதிகரித்து வருகிறது. பாலிவுட்டில் பேமிலி மேன் மற்றும் மேமிலி மேன் 2, சேக்ரட் கேம்ஸ் உள்ளிட்ட வெப் தொடர்கள் அதிகமான ரசிகர்களை பெற்றுள்ளன.
களத்தில் இறங்கிய அமேசான் பிரைம்
இந்த சூழ்நிலையை அதிகமாக பயன்படுத்தும்வகையில் அமேசான் ப்ரைம் ஓடிடி தளம் தற்போது தமிழில் அதிகமான வெப் தொடர்களை உருவாக்கி வருகிறது. இதையொட்டி நேற்றைய தினம் நடத்தப்பட்ட விழாவில் தங்களது தயாரிப்பில் உருவாகிவரும் வெப் தொடர்களை ரசிகர்களுக்கு அறிமுகப்படுத்தியுள்ளனர்.
முன்னணி நடிகர்களின் தொடர்கள்
இந்த தொடர்களில் முன்னணி நடிகர்கள் மற்றும் இயக்குநர்களின் படைப்புகளும் உள்ளன. இவை விரைவிலேயே அமேசான் பிரைமில் ரசிகர்களுக்கு காணக் கிடைக்கும். நெற்றிக் கண் இயக்குநர் மிலிந்த் ராவ் இயக்கத்தில் ஆர்யா நடித்துவரும் தி வில்லேஜ் என்ற வெப் தொடரின் பர்ஸ்ட் லுக் வெளியாகியுள்ளது.
புஷ்கர் -காயத்ரியின் 2 தொடர்கள்
இதேபோல விக்ரம் வேதா இயக்குநர்கள் புஷ்கர் -காயத்ரி நிறுவனமான வால்வாட்சன் தயாரிப்பில் உருவாகிவரும் சுழல் என்ற வெப் தொடரும் அறிமுகப்படுத்தப்பட்டது. இதில் கதிர், ஐஸ்வர்யா ராஜேஷ், பார்த்திபன், ஸ்ரேயா ரெட்டி உள்ளிட்டவர்கள் நடித்து வருகின்றனர். தொடரை பிரம்மா மற்றும் அருண்சரண் இயக்கி வருகின்றனர்.
மாடர்ன் லவ் சென்னை தொடர்
இவர்களது அடுத்த தயாரிப்பான வதந்தி என்ற வெப் தொடரில் எஸ்ஜே சூர்யா, நாசர், லைலா, சஞ்சனா உள்ளிட்டோர் நடித்து வருகின்றனர். இதனிடையே, பாரதிராஜா, பாலாஜி சக்திவேல், ராஜூ முருகன், கிருஷ்ணகுமார் ராம்குமார், அக்ஷய் சுந்தர் உள்ளிட்டோர் இயக்கும் மாடர்ன் லவ் சென்னை தொடரையும் அமேசான் பிரைம் அறிமுகப்படுத்தியுள்ளது.
விரைவில் ஒளிபரப்பு
இந்த தொடரில் கிஷோர், ரேஷ்மா, அசோக்செல்வன், ரிதுவர்மா, விஜயலட்சுமி, ரம்யா நம்பீசன், கௌரி ரெட்டி, சம்யுக்தா விஸ்வநாதன், வாசுதேவன் முரளி உள்ளிட்டோர் நடித்து வருகின்றனர். விரைவில் இந்த தொடரும் அமேசான் பிரைமில் ஒளிபரப்பாக உள்ளது குறிப்பிடத்தக்கது.