’எருமை சாணி’ விஜயகுமாரின் 'ரெசார்ட்'.. எந்த ஓடிடி தளத்தில் எப்போ ரிலீஸ் தெரியுமா?

ஜியோ ஹாட்ஸ்டார், தனது அடுத்த அதிரடி வெளியீடான 'ரிசார்ட்' (Resort) வெப் தொடரை மார்ச் 13 ஆம் தேதி முதல் ஒளிபரப்ப உள்ளதாக அறிவித்துள்ளது. வாரம்தோறும் வெள்ளிக்கிழமை அன்று நான்கு புதிய எபிசோடுகள் வெளியாகும் வகையில் இதன் ஒளிபரப்புத் திட்டமிடப்பட்டுள்ளது.

'எருமை சாணி' புகழ் விஜய் குமார் ராஜேந்திரன், இத்தொடரில் கதாநாயகனாக நடிப்பதோடு, கதையையும் எழுதியுள்ளார். சின்னத்திரையின் முன்னணி இயக்குநரான பிரவீன் பென்னட் உடன் இவர் முதன்முறையாக இணைந்து பணியாற்றியுள்ளார்.

Photo Credit:

Jio Hotstar

'ஆர்.ஆர் ரிசார்ட்' (RR Resort) என்ற கற்பனையான சொகுசு விடுதியில் இக்கதை நகர்கிறது. சமையல் கலையில் அபாரத் திறமை கொண்ட ஹவுஸ்கீப்பிங் ஊழியர் வெற்றி, ஒரு சிறந்த செஃப் ஆக கனவு காண்கிறார். அவரது லட்சியத்திற்கும், பணியிடத்தில் இருக்கும் அதிகார ஒடுக்குமுறைக்கும் இடையே நடக்கும் மோதலே 'ரிசார்ட்' தொடரின் மையக் கரு ஆகும்.

இத்தொடரில் கோபக்கார தலைமைச் சமையல்காரராகவும் முக்கிய வில்லனாகவும் 'தலைவாசல்' விஜய் நடித்துள்ளார். சமையலறையின் பரபரப்பான சூழலை அவர் தனது மிரட்டலான நடிப்பால் வெளிப்படுத்தியுள்ளார். இவர்களுடன் கீர்த்தி அமர், அபிநயா நேத்ரன், தர்ஷனா ஸ்ரீபால், சாய் தான்யா மற்றும் படவா கோபி போன்ற பல நட்சத்திரங்கள் முக்கிய வேடங்களில் நடித்துள்ளனர்.

நகைச்சுவை, நாடகம், லட்சியம் மற்றும் ஒரு சொகுசு விடுதியில் நடக்கும் கலாட்டாக்கள் என அனைத்தும் கலந்த ஒரு முழுமையான பொழுதுபோக்கு அனுபவமாக 'ரிசார்ட்' அமையும் என ரசிகர்கள் மத்தியில் பெரிய எதிர்பார்ப்பு உருவாகியுள்ளது.

Photo Credit:

jio hotstar

இந்தியாவின் முன்னணி பிரீமியம் ஸ்ட்ரீமிங் தளமான ஜியோஹாட்ஸ்டார், பல மொழிகளில் வெளியாகும் பிரபலமான திரைப்படங்கள், அசல் தொடர்கள், நேரலை விளையாட்டு நிகழ்ச்சிகள் மற்றும் பிற பொழுதுபோக்கு அம்சங்களை வழங்குகிறது. உலகத் தரமான கதைகளை டிஜிட்டல் தளத்தில் புதிய பரிமாணத்துடன் கொண்டு செல்வதே இதன் நோக்கமாகும்.