Farzi Review: விஜய்சேதுபதியும் ஷாகித் கபூர்ம் செம மிரட்டல்.. ஃபார்ஸி வெப்சீரிஸ் எப்படி இருக்கு?

Updated: Friday, February 10, 2023, 17:59 [IST]

சென்னை: தி ஃபேமிலி மேன் 1 மற்றும் 2 வெப்சீரிஸை இயக்கிய இரட்டை இயக்குனர்களான ராஜ் மற்றும் டிகே இணைந்து இயக்கி உள்ள புதிய வெப்சீரிஸ் ஃபார்ஸி இன்று அமேசான் பிரைம் ஓடிடி தளத்தில் வெளியாகி உள்ளது.

மனோஜ் பாஜ்பாயி, பிரியாமணி நடித்த முதல் பாகமே ரசிகர்கள் மத்தியில் ராஜ் மற்றும் டிகேவுக்கு மிகப்பெரிய அங்கீகாரத்தை கொடுத்த நிலையில், சமந்தா நடித்த இரண்டாம் பாகம் வேறலெவல் ஹிட் அடித்தது.

இந்நிலையில், ஷாகித் கபூர், விஜய்சேதுபதி, கேகே மேனன் மற்றும் ராஷி கன்னா நடிப்பில் வெளியாகி உள்ள இந்த புதிய வெப்சீரிஸை பார்த்த ரசிகர்கள் ட்விட்டரில் பதிவிட்டுள்ள விமர்சனத்தை இங்கே பார்ப்போம்..

ஃபார்ஸி வெப்சீரிஸ் கதை

யாருமே கண்டே பிடிக்க முடியாத அளவுக்கு கள்ளத்தனமாக நோட்டுக்களை அச்சு பிசகாமல் அச்சடிக்கும் ஷாகித் கபூரை போலீஸ் அதிகாரி விஜய்சேதுபதி மற்றும் ஆர்பிஐ வங்கி அதிகாரி ராஷி கன்னா இருவரும் இணைந்து பிடித்தார்களா? இல்லையா? என்பது தான் இந்த ஃபார்ஸி வெப்சீரிஸின் கதை.

கேகே மேனன் சர்ப்ரைஸ்

ஷாகித் கபூர் மற்றும் விஜய்சேதுபதியின் நடிப்பை பார்க்க ஆசையாக வந்த ரசிகர்களுக்கு கூடுதல் சர்ப்ரைஸாக நடிகர் கேகே மேனனின் அசத்தல் பர்ஃபார்மன்ஸ் ரசிகர்களை ஆச்சர்யத்தில் ஆழ்த்தி உள்ளது. அவரோட கதாபாத்திரமும் நடிப்பும் எக்ஸ்ட்ராடினரி என ரசிகர்கள் பாராட்டி வருகின்றனர்.

விஜய்சேதுபதிக்கு விசில்

மைக்கேல் எனும் போலீஸ் அதிகாரி கதாபாத்திரத்தில் கள்ளநோட்டு அச்சடிக்கும் நாயகன் ஷாகித் கபூரை கண்டுபிடிக்கும் வேலையை பக்காவாக செய்து ஸ்கோர் செய்துள்ளார் விஜய்சேதுபதி. அவரது இந்தி டப்பிங் கச்சிதமாக பொருந்தியுள்ளது என பாலிவுட் ரசிகர்களே விஜய்சேதுபதிக்கு விசில் அடித்து வருகின்றனர். ஃபர்ஸி வெப்சீரிஸ் அமேசான் பிரைம் ஓடிடி தளத்தில் தமிழ் உள்ளிட்ட இந்திய மொழிகளில் உள்ளது குறிப்பிடத்தக்கது.

என்ன குறை

ஃபார்ஸி வெப்சீரிஸ் ரசிகர்களுக்கு பிடிக்கும் அளவுக்கு செம ஸ்பீடான த்ரில்லர் வெப் சீரிஸாகவே நகர்கிறது. நடிகர்களின் நடிப்பு, மேக்கிங், ஒளிபதிவு, ஸ்க்ரீன்பிளே அனைத்தும் பாசிட்டிவாக உள்ளது. அதே சமயம் நெகட்டிவ் என்று பார்த்தால் சில எபிசோடுகள் லேக் அடிக்கிறது. 3 மணி நேரத்தில் முடிக்க வேண்டிய கதையை 8 எபிசோடுகளுக்கு நீட்டி முழக்கி உள்ளனர் என இந்த நெட்டிசன் விமர்சித்துள்ளார்.

மாஸ்டர்பீஸ்

இப்போதான் ஃபார்ஸி வெப்சீரிஸ் பார்த்து முடிச்சேன். என்னவொரு மாஸ்டர் பீஸ். ஒரு செகண்ட் கூட போர் அடிக்கல.. ஷாகித் கபூர், விஜய்சேதுபதி, ராஷி கன்னா மற்றும் கேகே மேனன் என அனைவரும் அசத்திட்டாங்க. மறுபடியும் இயக்குநர்கள் ராஜ் மற்றும் டிகே வெப்சீரிஸ் கிங் என நிரூபிச்சிட்டாங்க என இந்த நெட்டிசன் பாராட்டி உள்ளார்.

பிரேக்கிங் பேட் காப்பி

ஃபார்ஸி வெப்சீரிஸுக்கு பாசிட்டிவ் விமர்சனங்கள் கிடைத்து வரும் நிலையில், இந்த வெப்சீரிஸ் நெட்பிளிக்ஸின் பிரபலமான பிரேக்கிங் பேட் உடையை சீப் காப்பி என இந்த நெட்டிசன் கடுமையாக விமர்சித்துள்ளார். ஃபார்ஸி வெப்சீரிஸின் நீளத்தை குறைத்திருந்தால் நல்லா இருந்திருக்கும் என்பதே பல ரசிகர்களின் கருத்தாக உள்ளது. அதே சமயம் நடிகர்களின் நடிப்பை ஏகப்பட்ட பேர் பாராட்டி வருகின்றனர்.