ஓடிடியில் ரிலீஸாகும் ஜிவி பிரகாஷின் ஐங்கரன்.. வெளியானது ரிலீஸ் தேதி!

பக்கபலமாக

தமிழ் சினிமாவில் தனித்துவமான இசை அமைப்பாளராக இருக்கும் ஜிவி பிரகாஷ் குமாரின் அசுரத்தனமான இசையில் சமீபத்தில் வெளியான சூரரைப்போற்று மற்றும் அசுரன் போன்ற திரைப்படங்கள் மிகப்பெரிய வெற்றி பெற்று ரசிகர்களால் கொண்டாடப்பட்டது. படத்தின் வெற்றிக்கு மிகப் பெரிய பக்கபலமாகவும் அமைந்தது.

சூர்யாவின் வாடிவாசல்

இசையமைப்பாளராக மட்டுமல்லாமல் நடிகராகவும் கலக்கிக் கொண்டிருக்கும் ஜிவி பிரகாஷ் கை நிறைய திரைப்படங்களில் நடித்து வருகிறார். அதேசமயம் தனுஷின் மாறன் மற்றும் சூர்யாவின் வாடிவாசல் ஆகிய படங்களுக்கு இசையமைக்க ஒப்பந்தமாகியுள்ளார்.

இயக்குனர் ரவி அரசு

ஐங்கரன், ஆயிரம் ஜென்மங்கள், அடங்காதே, ஜெயில், 4ஜி, காதலிக்க யாருமில்லை, பேச்சிலர் என வரிசையாக திரைப்படங்களில் நடித்துக் கொண்டிருக்க இதில் ஐங்கரன் இப்படத்தை ஈட்டி பட இயக்குனர் ரவி அரசு இயக்கி உள்ளார். நடிகை மஹிமா நம்பியார் கதாநாயகியாக நடித்துள்ளார்.சென்ற ஆண்டே அனைத்து கட்டப் பணிகளும் முடிவடைந்து ரிலீசுக்கு தயாராக இருந்தது. இருப்பினும் கொரோனா பரவியதால் ரிலீஸாகாமல் கிடப்பில் போடப்பட்டது.

சோனி லைவ் ஓடிடி தளத்தில்

இந்த நிலையில் ஐங்கரன் திரைப்படம் நேரடியாக ஓடிடியில் வெளியாகிறது என்ற தகவல் கிடைத்துள்ளது. சுதந்திர தினத்தை முன்னிட்டு வரும் ஆகஸ்ட் 13-ஆம் தேதி சோனி லைவ் ஓடிடி தளத்தில் ஐயங்கரன் திரைப்படம் ரிலீசாகிறது. இதுவரை பல காமெடி படங்களில் நடித்துக் கொண்டிருந்த ஜிவி பிரகாஷுக்கு இந்தப்படம் ஆக்சன் ஹீரோ அவதாரத்தை கொடுக்கும் என ரசிகர்கள் எதிர்பார்த்துள்ளனர். இப்படத்தை காமன்மேன் ப்ரசன்ஸ் பி.கணேஷ் தயாரித்துள்ளார்.