“12 மணி நேரம் உயிரோடு இருக்கலாம்“… நயன்தாராவின் ‘O2’ டீசர் எப்படி இருக்கு?

‘O2' திரைப்படம்

'O2' திரைப்படத்தில் நயன்தாரா 8 வயது சிறுவனின் தாயாக நடித்து வருகிறார். இப்படத்தின் அட்டகாசமான டிரைலர் வெளியாகி உள்ளது. அந்த டிரைலரின் ஆரம்பத்தில், சைரன் சத்தத்துடன் போலீஸ் வண்டியிலிருந்து இறங்கும் போலீஸ், பஸ் கொச்சிக்கும் போகல...நம்மல தாண்டியும் போகல அப்போ பஸ் எங்கத்தான் போய் இருக்கும் என்று கேட்கிறார்.

12 மணி நேரம் உயிருடன் இருப்போம்

அப்போது, பேருந்து மண்ணுக்குள் புதைந்து இருப்பது போல காட்டப்படுகிறது. ஒரு பைப் வழியாக... ப்ளீஸ் ஹெல்ப், யாராவது காப்பாத்துங்க என்று கத்துகின்றனர். அப்போது பதற்றப்படாமல், சண்டை, போடாமல், அமைதியா இருந்தா இன்னும் 12 மணி நேரம் நாம் அனைவரும் உயிருடன் இருப்போம் என்று கூறுகிறார்.

த்ரில்லர் திரைப்படம்

நயன்தாரா, தனது மகனுக்கு இருக்கும் சுவாச பிரச்சனை காரணமாக தனது, மகளுடன் இருக்கும் ஆக்சிஜன் சிலிண்டரை உடன் வைத்து இருக்கிறார். மண்ணுக்கு அடியில் சிக்கிக்கொள்ளும் சக பயணிகள் குறி வைப்பதை அம்மாவான நயன்தாரா எப்படி சமாளிக்கிறார் என்பதே படத்தின் கதை. விறுவிறுப்பான த்ரில்லர் திரைப்படமாக உருவாகியுள்ள இப்படத்தின் டீசர் தற்போது சமூக வலைத்தளங்களில் பலரின் கவனத்தை ஈர்த்து வருகிறது.

விரைவில் ஓடிடியில்

இப்படத்தை இயக்குநர் வெங்கட் பிரபுவிடம் உதவி இயக்குநராகப் பணியாற்றிய ஜி.கே. விக்னேஷ் இந்த படத்தை எழுதி இயக்கி உள்ளார். இப்படம் டிஸ்னி பிளஸ் ஹாட்ஸ்டாரில் விரைவில் வெளியாக உள்ளது. இன்று காலை வெளியான இப்படத்தின் டிரைலர் பலரின் பாராட்டை பெற்றுள்ளது.