Don't Miss!
- Automobiles 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
சிவகார்த்திகேயனின் மாவீரன் ஓடிடி உரிமையை வங்கிய அமேசான்… எத்தன கோடின்னு தெரியுமா?
சென்னை: சிவகார்த்திகேயன் நடிப்பில் பிரின்ஸ் திரைப்படம் தீபாவளிக்கு வெளியாக உள்ளது.
இதனைத் தொடர்ந்து மடோன் அஷ்வின் இயக்கும் மாவீரன் படத்தில் பிஸியாக நடித்து வருகிறார் சிவகார்த்திகேயன்.
தமிழ், தெலுங்கு மொழிகளில் உருவாகி வரும் மாவீரன் படத்தின் ஓடிடி உரிமை குறித்து தகவல்கள் வெளியாகியுள்ளன.
வெந்து தணிந்தது காடு சக்சஸ் மீட்டில் சிவகார்த்திகேயன்… சிம்புவுக்கு அல்டிமேட் கிஃப்ட்!
சூப்பர் ஸ்டார் டைட்டிலில் சிவகார்த்திகேயன்
கோலிவுட்டின் டாப் ஹீரோவான சிவகார்த்திகேயன் டாக்டர், டான் என அடுத்தடுத்து இரண்டு ப்ளாக் பஸ்டர் படத்தை கொடுத்துள்ளார். இந்த இரண்டு படங்களுமே 100 கோடி பாக்ஸ் ஆபிஸில் கெத்து காட்டின. இதனைத் தொடர்ந்து அனுதீப் இயக்கத்தில் சிவகார்த்திகேயன் நடித்துள்ள பிரின்ஸ், தீபாவளி ரிலீஸுக்கு ரெடியாகி வருகிறது. இந்தப் படத்தின் ஷூட்டிங் ஏற்கனவே முடிந்துவிட்ட நிலையில், சிவகார்த்திகேயன் தற்போது மாவீரன் படப்பிடிப்பில் பிசியாக இருக்கிறார். ரஜினிகாந்த் நடிப்பில் 1986ல் வெளியான மாவீரன் படத்தின் டைட்டிலில் சிவகார்த்திகேயன் நடித்து வருவது எதிர்பார்ப்பை அதிகப்படுத்தியுள்ளது.
சிவாவுடன் ஜோடி சேர்ந்த அதிதி ஷங்கர்
மண்டேலா படத்திற்காக இரண்டு தேசிய விருதுகளை வென்று கவனம் ஈர்த்த மடோன் அஷ்வின், மாவீரன் படத்தை இயக்குகிறார். தமிழ், தெலுங்கில் உருவாகும் இந்தப் பத்தில் சிவகார்த்திகேயன் ஜோடியாக அதிதி ஷங்கரும், முக்கியமான கேரக்டர்களில் மிஷ்கின், யோகி பாபு ஆகியோரும் நடித்து வருகின்றனர். மாவீரன் படத்தின் ஷூட்டிங் ஆகஸ்ட் 3ம் தேதி தொடங்கி வேகமாக நடைபெற்று வருகிறது. இதனால், விரைவில் இந்தப் படத்தின் மொத்த படப்பிடிப்பும் நிறைவடையும் என சொல்லப்படுகிறது.
தொடங்கியது மாவீரன் ஓடிடி பிசினஸ்
சிவகார்த்திகேயன் நடிப்பில் இறுதியாக வெளியான டாக்டர், டான் இரண்டு படங்களுக்கும் ரசிகர்களிடம் நல்ல வரவேற்பு கிடைத்தது. திரையரங்களில் 100 கோடி வசூலித்த இந்தப் படங்களுக்கு ஓடிடியிலும் மாஸ் கம்பேக் கிடைத்தது. இதனால், மாவீரன் படத்தின் ஓடிடி உரிமைக்கும் முன்னணி நிறுவனங்களிடம் போட்டி ஏற்பட்டது. இறுதியில் சிவகார்த்திகேயனின் மாவீரன் ஓடிடி ரைட்ஸை அமேசான் ப்ரைம் வாங்கியுள்ளதாக தகவல் வெளியாகியுள்ளது. மாவீரன் ரிலீஸ் தேதிக்கு முன்னரே, ஓடிடி ரைட்ஸ் முடிந்துவிட்டது குறிப்பிடத்தக்கது.
விரைவில் மாவீரன் அப்டேட்?
மாவீரன் ஷூட்டிங் வேகமாக நடைபெற்று வருவதால், விரைவில் படத்தில் இருந்து முக்கியமான அப்டேட்டை படக்குழு வெளியிடும் என சொல்லப்படுகிறது. இந்நிலையில், தற்போது ஓடிடி உரிமையை அமேசான் வாங்கியுள்ளதாக சொல்லப்படுகிறது. முக்கியமாக மாவீரன் ஓடிடி உரிமையை 34 கோடி ரூபாய்க்கு அமேசான் வாங்கியுள்ளதாகக் கூறப்படுகிறது. சிவகார்த்திகேயன் படங்களில் அதிகமான விலைக்கு விற்பனையான படம் மாவீரன் தான் எனவும் தகவல் வெளியாகியுள்ளது.