கோட் ஷூட்..கூலிங் கிளாஸ்..ஹாலிவுட் நாயகனாகவே மாறிய தனுஷ்!

தமிழில் முன்னணி கதாநாயகனாக வலம் வந்த தனுஷ், இந்தி படங்களில் நடித்து வட மாநிலங்களிலும் பிரபலமானார். தொடர்ந்து ஹாலிவுட்டுக்கும் சென்றுள்ளார்

அவெஞ்சர்ஸ் படங்களை இயக்கி பிரபலமான ஆண்டனி ரூசோ, ஜோ ரூசோ சகோதரர்கள் டைரக்டு செய்துள்ள தி கிரே மேன் படத்தில் ஹாலிவுட் நடிகர்கள் ரியான் காஸ்லிங், கிறிஸ் இவான்ஸ், நடிகை அனா டி அர்மாஸ் உள்ளிட்டோருடன் இணைந்து நடித்துள்ளார்.

தி கிரே மேன் நெட்ஃபிளிக்ஸ் ஓடிடி தளத்தில் வரும் 22-ம் தேதி வெளியாக உள்ளது. சமீபத்தில் வெளியான இதன் டீசர் ரசிகர்களிடையே வரவேற்பைப் பெற்றுள்ளது.

ரையான் கோஸ்லிங், கிறிஸ் எவன்ஸ், அனா டி அர்மாஸ்  ஆகிய ஹாலிவுட்டில் டாப் நடிகர்களு தனுஷ் நடித்துள்ளதால் அவரின் கதாபாத்திரம் எப்படி இருக்கும் என்பதை காண ரசிகர்கள் மிகவும் ஆர்வமாக உள்ளனர்.

தி கிரே மேன் படத்தில் தனுஷ் நடிப்பை ஹாலிவுட் நடிகர் ரியான் காஸ்லிங் பாராட்டி உள்ளார். அவர் கூறும்போது, "தனுஷ் சிறந்த நடிகர். சண்டைக் காட்சியை நாங்கள் படமாக்கியபோது, அவர் எந்த தவறையும் செய்யவில்லை என  கூறியிருந்தார்.

அதே போல ஹாலிவுட் நடிகை அனா டி அர்மாஸூம் தனுஷ் கடின உழைப்பாளி. படத்தில் சிறப்பான நடிப்பை வெளிப்படுத்தி  உள்ளார் என பாராட்டி இருந்தார்.

தி கிரேமேன் ப்ரீமியர் நிகழ்ச்சிக்காக தனது இரு மகன்களையும் தனுஷ் அழைத்துச் சென்றார் தனுஷ்.

அதில் யாத்ரா, லிங்கா,தனுஷ்  மூன்று பேரும் ஒன்று போல கோட் ஷூட் அணிந்திருந்தனர். தனுஷ் தனது இரண்டு மகன்களுடன் இருக்கும் புகைப்படம் இணையத்தில் வைரலாகி வருகிறது.

மேலும், தனுஷின் மூத்த மகன் லிங்கா சினிமாவில் ஹீரோவாக அறிமுகமாக உள்ளார் என்கிற தகவல் காட்டுத்தீ போல சினிமா வட்டாரத்தில் பரவி வருகிறது.