கெத்தாக போஸ் கொடுத்த ஆதித்த கரிகாலன்.. பிரமோஷன் போட்டோஸ்!

சேது என்ற சிறப்பான பட அமையும் வரையில் விக்ரமின் கேரியர் மிகவும் கரடுமுரடாகவே இருந்தது. இதனால் அந்தப் படத்திற்கு பிறகு விக்ரம் தனது படங்களை கவனத்துடன்தான் தேர்ந்தெடுத்து வருகிறார்.

கடந்த சில மாதங்களுக்கு முன்பு விக்ரம் நடிப்பில் கார்த்திக் சுப்புராஜ் இயக்கத்தில் வெளியான மகான் படம் அவருக்கு சிறப்பாக அமைந்தது.

இந்தப் படத்தில் விக்ரமின் மகன் த்ருவ் அவருடன் இணைந்து நடித்திருந்தார். இருவரும் போட்டிப் போட்டு நடித்திருந்தனர்.

தொடர்ந்து விக்ரம் நடிப்பில் வெளியான கோப்ரா படம் அவருக்கு சிறப்பாக கைக்கொடுக்கவில்லை. கலவையான விமர்சனங்களையே பெற்றது.

அஜய் ஞானமுத்து இயக்கத்தில் வெளியான இந்தப் படம் கணித வாத்தியார் மற்றும் அதை பயன்படுத்தி அவர் செய்யும் கொலைகளை மையமாக கொண்டு வெளியானது.

தற்போது வெளியாகியுள்ள பொன்னியின் செல்வன் படத்தில் ஆதித்த கரிகாலனாக மிரட்டியுள்ளார் விக்ரம்.

கேரளா, ஆந்திரா, கர்நாடகா, மும்பை, டெல்லி போன்ற இடங்களில் பிரமோஷனல் டூருக்காக படக்குழுவினருடன் விக்ரம் சென்றிருந்தார்.

ஒவ்வொரு இடத்திலும் நடைபெற்ற பிரமோஷன்களின்போது சிறப்பான உடைகளுடன் படக்குழுவினர் வலம் வந்தனர்.

குறிப்பாக நீண்ட தாடியுடன் நீளமான தலைமுடியுடன் விக்ரம் காணப்பட்டார். அவருக்கு இந்த உடைகள் மிகவும் அழகாக பொருந்தின.