நயன்தாரா போல் கல்யாண உடையில் கலக்கல் போட்டோஷுட்.. கீர்த்தி சுரேஷுக்கு வந்த ஆசை!

நடிகை கீர்த்தி சுரேஷ் தென்னிந்திய அளவில் பிரபலமான நடிகையாக உள்ளார். குறிப்பாக தமிழ், தெலுங்கு, மலையாளப் படங்களில் இவரை அதிகமாக காண முடிகிறது.

2000ல் குழந்தை நட்சத்திரமாக நடித்துள்ள இவர் 2013ல் கீதாஞ்சலி என்ற மலையாளத் திரைப்படத்தின் மூலம் திரையுலகில் தனது என்ட்ரியை கொடுத்தார்.

தொடர்ந்து தெலுங்கில் உருவான மகாநடி படம் இவருக்கு சிறந்த நடிகைக்கான தேசிய விருதை பெற்றுத்தந்தது.

தமிழில் இது என்ன மாயம் படத்தில் விக்ரம் பிரபுவுடன் இணைந்து நடித்தார். இதுதான் இவரது அறிமுகப்படம்.

இதையடுத்து சிவகார்த்திகேயன், விஜய், சூர்யா என முன்னணி நடிகர்களுடன் ஜோடி சேர்ந்து நடித்துள்ளார்.

சிவகார்த்திகேயனுடன் கீர்த்தி நடித்து வெளியான ரஜினி முருகன் மிகப்பெரிய வெற்றியை பெற்றது. கீர்த்திக்கும் பெரிய ஓபனிங்கை இந்தப் படம் கொடுத்தது.

விஜய்யுடன் சர்க்கார், பைரவா போன்ற படங்களில் நடித்துள்ளார் கீர்த்தி. சூர்யாவுடன் தானா சேர்ந்தக் கூட்டம் படத்தில் நடித்துள்ளார்.

துவக்கத்திலேயே முன்னணி நடிகர்களுடன் நடித்துள்ள கீர்த்தி கதைக்கு முக்கியத்துவம் தரப்பட்டு உருவாகும் சாணிக் காயிதம் போன்ற படங்களிலும் கவனம் செலுத்துகிறார்.

சமீபத்தில் அருண் மாதேஸ்வரன் இயக்கத்தில் இயக்குநர் செல்வராகவனுடன் இணைந்து கீர்த்தி நடித்திருந்த இந்தப் படம் மிரட்டியது.