ஹாலிவுட் ரேஞ்சுக்கு போட்டோஷுட் நடத்திய கீர்த்தி சுரேஷ்.. முகம் ஹோம்லியா இருக்கே!

நடிகை கீர்த்தி சுரேஷ் மலையாளம், தமிழ், தெலுங்கு என தென்னிந்திய மொழிப் படங்களில் தொடர்ந்து ஆதிக்கம் செலுத்தி வருகிறார்.

தமிழ், தெலுங்கு, மலையாளம் மலையாளம் என சுழன்றடித்து நடித்து வருகிறார் கீர்த்தி சுரேஷ். இவர் நடிப்பில் வெளியான மகாநடி இவரது கேரியர் பெஸ்ட்டாக அமைந்தது.

நடிகை சாவித்ரியின் பயோ பிக்காக வெளியான இந்தப் படத்தில் சாவித்ரியாகவே தன்னை மாற்றிக் கொண்டு நடித்து அனைவரையும் கவர்ந்தார் கீர்த்தி.

தொடர்ந்து அதே போலவே பயோ பிக்குகளில் நடிக்க வாய்ப்புகள் குவிந்த நிலையில், விழித்துக் கொண்ட கீர்த்தி கமர்ஷியல் படங்களில் கவனம் செலுத்தினார்.

தமிழில் சூர்யா, விஜய், விக்ரம் என மாறி மாறி நடித்து ஏராளமான ரசிகர்களை கவர்ந்தார் கீர்த்தி சுரேஷ்.

நடிப்பிலும் நடனத்திலும் மிகுந்த கவனம் செலுத்தி வருகிறார் கீர்த்தி. விஜய்யுடன் இவர் நடித்துள்ள படங்களில் இவரது நடனம் சிறப்பாக பார்க்கப்பட்டது.

இதேபோல சமீபத்தில் மகேஷ்பாபுவுடன் கீர்த்தி நடித்து வெளியான சர்க்காரு வாரிப் பட்டா படத்திலும் இவரது நடிப்பு மட்டுமின்றி நடனமும் சிறப்பான கவனம் பெற்றது.

நடிப்பிலும் இவர் தொடர்ந்து தேறி வருகிறார். சமீபத்தில் தமிழில் அருண் மாதேஸ்வரன் இயக்கத்தில் இவர் நடித்திருந்த சாணிக் காயிதம் படத்தில் மிரட்டலான நடிப்பை வெளிப்படுத்தியிருந்தார்.

இந்தப் படம் விமர்சன ரீதியாக ரசிகர்களிடையே மிகப்பெரிய பாராட்டை பெற்றது. தன்னுடைய குடும்பம் மற்றும் பெண்மையை அதிகார வர்க்கத்திடம் இழந்த பெண்ணின், பழிவாங்கும் உணர்வு எத்தகையது என்பதை கீர்த்தி சிறப்பாக வெளிப்படுத்தியிருந்தார்.