அடுத்தடுத்த வானவில் புகைப்படங்கள்.. ரசிகர்களை உற்சாகப்படுத்திய கீர்த்தி சுரேஷ்!

தமிழ், தெலுங்கு, மலையாளம் என தென்னிந்திய மொழிப் படங்களில் அதிரடி காட்டி வருகிறார் நடிகை கீர்த்தி சுரேஷ்.

உதயநிதியுடன் இவர் நடித்து முடித்துள்ள மாமன்னன் படத்தின் சூட்டிங் நிறைவடைந்து படம் ரிலீசுக்கு தயாராகி வருகிறது.

முன்னதாக விஜய், சூர்யா, தனுஷ் என தமிழின் முன்னணி நடிகர்களுடன் நடித்து முடித்துள்ளார் கீர்த்தி சுரேஷ்.

தமிழில் இவர் நடிப்பில் வெளியான அருண் மாதேஸ்வரனின் சாணிக் காயிதம் இவருக்கு நல்ல விமர்சனங்களை பெற்றுத் தந்துள்ளது.

தெலுங்கிலும் மகேஷ் பாபு உள்ளிட்ட முன்னணி நடிகர்களுடன் தொடர்ந்து நடித்து வருகிறார் கீர்த்தி சுரேஷ்.

மகேஷ் பாபுவுடன் இவர் நடிப்பில் சமீபத்தில் வெளியான சர்க்காரு வாரி பட்டா படத்தில் இவரது நடிப்பு மற்றும் நடனம் பேசப்பட்டது.

சர்க்காரு வாரி பட்டா படத்திற்காக மகேஷ் பாபுவிற்கு இணையாக கீர்த்தி சுரேஷிற்கும் ரசிகர்கள் கட்அவுட் வைத்து அசத்தியிருந்தனர்.

மலையாளத்திலும் தனது சொந்தப் படம் வாஷி உள்ளிட்ட படங்களில்  நடித்து அசத்தி வருகிறார் கீர்த்தி சுரேஷ்.

சமூக வலைதளங்களிலும் மிகவும் பிசியாக காணப்படுகிறார் கீர்த்தி சுரேஷ். இவரது போட்டோஷுட் புகைப்படங்கள் அடுத்தடுத்து வெளியாகி ரசிகர்களை கவர்ந்து வருகின்றன.