மீண்டும் குழந்தை சிரிப்புக்கு மாறிய மீனா.. தோழிகளுடன் நண்பர்கள் தினத்தில் உற்சாகம்!

நடிகை மீனா ரஜினிகாந்துடன் சிறுமியாக நடித்து பின்பு அவருக்கே ஜோடியாக நடித்தவர். இவர்கள் இருவரும் இணைந்து நடித்த படங்கள் சூப்பர் ஹிட்டாகின.

சிறப்பான வெற்றிப் படங்களில் நடித்த மீனா தொடர்ந்து முன்னணி நடிகையாக இருந்தார். அஜித், விஜய், ரஜினி, கமல் என முன்னணி நடிர்கள் அனைவருடனும் இணைந்து நடித்தார்.

தொடர்ந்து வித்யாசாகர் என்ற சாப்ட்வேர் இன்ஜினீயரை திருமணம் செய்துக் கொண்ட மீனாவிற்கு நைனிகா என்ற மகள் உள்ளார்.

இவரது மகள் நைனிகாவும் விஜய், அர்விந்த் சாமி உள்ளிட்டவர்களுடன் இணைந்து நடித்துள்ளார். குறிப்பாக விஜய்யுடன் இவர் நடித்த தெறி படம் வசூல்சாதனை புரிந்தது.

அம்மா, மகள் மாறி மாறி சூட்டிங்கில் பங்கேற்று அடுத்தடுத்த படங்களில் நடித்து தென்னிந்திய அளவில் திரையுலகில் அனைவரையும் ஆச்சர்யப்படுத்தினர்.

அமைதியாக, அழகாக சென்றுக் கொண்டிருந்த இவர்கள் வாழ்க்கையில் புயலாக மீனாவின் கணவர் வித்யாசாகர் கடந்த சில வாரங்களுக்கு முன்பு உயிரிழந்தார்.

இந்த சம்பவம் மீனாவின் வாழ்க்கையை புரட்டிப் போட்டுள்ளது. மிகவும் உடைந்துப் போனார் மீனா. அவரைவிட அவரது மகள் நைனிகா குறித்து அனைவரும் வருத்தம் தெரிவித்தனர்.

அவரது மறைவால் வீட்டிற்குள்ளேயே மீனா முடங்கும் நிலை உருவானது. இந்நிலையில் தன்னை சிறிது சிறிதாக தேற்றி வருகிறார் மீனா.

தன்னுடைய மகள் நைனிகாவின் எதிர்காலத்தை கருத்தில் கொண்டு தன்னுடைய இழப்பு கொடுத்த பாதிப்பிலிருந்து தன்னை மீட்டுருவாக்கம் செய்து வருகிறார் மீனா.