மனைவியை மடியில் உட்கார வைத்து விமானத்தில் செம ரொமான்ஸ்...விக்கி - நயனின் லேட்டஸ்ட் ரொமான்டிக் போட்டோஸ்

நானும் ரெளடி தான் படத்தில் பணியாற்றியது முதல் கடந்த 6 வருடங்களாக காதலித்து வந்த நயன்தாரா - விக்னேஷ் சிவன் ஜோடி ஜுன் 9 ம் தேதி திரையுலகமே அசந்து போகும் அளவிற்கு மிக பிரம்மாண்டமாக திருமணம் செய்து கொண்டனர்.

திருமணம் முடிந்ததும் திருப்பதி, கேரளாவில் சில கோயில்களுக்கு சென்றவர்கள், தாய்லாந்தில் ஹனிமூன் கொண்டாட சென்றனர். அங்கு தங்களின் ரொமான்டிக் போட்டோக்களை விக்னேஷ் சிவன் தொடர்ந்து சோஷியல் மீடியாவில் வெளியிட்டு வந்தார்.

ஹனிமூன் முடிந்து திரும்பியதும், நயன்தாரா தற்போது ஷாருக்கானுடன் நடித்து வரும் ஜவான் படத்தின் ஷுட்டிங்கிற்காக மும்பை பறந்தார்.விக்னேஷ் சிவனும் சென்னையில் நடைபெற்ற செஸ் ஒலிம்பியாட் நிகழ்ச்சிகளை இயக்க சென்று விட்டார்.

இன்று இருவரும் கிளம்பி ஐரோப்பாவிற்கு டூர் சென்றுள்ளனர். ஸ்பெயின், பார்சிலோனாவில் சுற்றி வர தனி விமானம் மூலம் புறப்பட்டு சென்றுள்ளனர்.

விமானத்தில் மனைவி நயன்தாரா கையில் முத்தம் கொடுப்பது, மடியில் உட்கார வைத்து செல்ஃபி எடுப்பது போன்ற ரொமான்டிக்கான போட்டோக்களை இன்ஸ்டாகிராமில் பகிர்ந்து வைரலாக்கி உள்ளார் விக்னேஷ் சிவன்.

அந்த போட்டோக்களுடன், தொடர்ந்து வேலை...வேலை...வேலை என ஓடிய பிறகு வெளிநாட்டில் பொழுதை கழிக்க செல்கிறோம். பார்சிலோனா நாங்க வந்துட்டு இருக்கோம் என கேப்ஷன் பதிவிட்டுள்ளார். 

மற்றொரு போட்டோவுடன், மை ஒய்ஃபியுடன் பார்சிலோனா போய் கொண்டிருக்கிறேன் என குறிப்பிட்டுள்ளார். இந்த போட்டோக்களுக்கு லைக்குகள் குவிந்து வருகின்றன.

ஸ்பெயின் புறப்பட்டுச் செல்லும் இந்த ஜோடி ஐரோப்பா நாடுகளில் சுற்றி வர திட்டமிட்டுள்ளதாக சொல்லப்படுகிறது. 10 நாட்கள் ஐரோப்பாவில் டூர் செல்லும் இவர்கள், அதற்கு பிறகு இந்தியா திரும்ப உள்ளனர்.

இந்தியா திரும்பியதும் நயன்தாரா, ஜவான் படத்தின் அடுத்த கட்ட ஷுட்டிங்கிலும், விக்னேஷ் சிவன், அஜித்தின் அடுத்த படமான ஏகே 62 வேலைகளை துவக்க உள்ளதாக சொல்லப்படுகிறது.