ஓணம் வாழ்த்துக்களை சொன்ன மலையாளத்து கானக்குயில் ஷிவாங்கி!

டான் படம் மூலம் நடிகையாகியுள்ளார் சிவாங்கி. இந்தப் படத்தில் நடிகர் சிவகார்த்திகேயனுடன் இணைந்து இவர் அடித்த லூட்டி சிறப்பான விமர்சனங்களை பெற்றுள்ளது.

முன்னதாக இவருக்கு சிறப்பான அறிமுகத்தை விஜய் டிவியின் சூப்பர் சிங்கர் மற்றும் குக் வித் கோமாளி நிகழ்ச்சிகள் கொடுத்தன. இந்த நிகழ்ச்சிகள் மூலம் இவர் ஏராளமான ரசிகர்களை பெற்றுள்ளார்.

குக் வித் கோமாளி சீசன் 2வில் பங்கேற்ற இவர் சமீபத்தில் நடந்து முடிந்துள்ள குக் வித் கோமாளி சீசன் 3 நிகழ்ச்சியிலும் கலந்துக் கொண்டார்.

குறிப்பாக குக் வித் கோமாளி சீசன் 2வில் அஸ்வின் மற்றும் புகழ் இவர்களுடன் இணைந்து இவர் செய்த லூட்டிகளை ஏராளமான ரசிகர்களை கவர்ந்தன.

சூப்பர் சிங்கர் நிகழ்ச்சி மூலம் இவர் அதிகமான படங்களில் பாடும் வாய்ப்பையும் பெற்றுள்ளார். சமீபத்தில் சினம் படத்தின் பாடல் ஒன்றையும் பாடியுள்ளார்.

அருண் விஜய்யின் இந்தப் படத்தின் மெலடி பாடல் ஒன்றை பாடியுள்ளார் சிவாங்கி. இந்தப் பாடல் பதிவை அவர் தனது இன்ஸ்டாகிராமில் பதிவிட்டுள்ளார்.

மேலும் பல ஆல்பம் பாடல்களையும் இவர் பாடி வருகிறார். இந்த ஆல்பம் பாடல்களில் இவர் நடிக்கவும் செய்கிறார். இவை பெரும்பாலும் ரசிகர்களை கவரும்வகையில் அமைந்துள்ளன.

தொடர்ந்து இசைக் கச்சேரிகளிலும் இவர் அதிகமாக பங்கேற்று வருகிறார். சமீபத்தில் கனடாவில் நடந்த இசைக் கச்சேரி ஒன்றில் இவர் பங்கேற்று பாடினார்.