மஞ்சக்காட்டு மைனா...ஸ்ரீதேவி விஜயக்குமார் அசத்தல் ஃபோட்டோஸ்

சத்யராஜ் நடித்த ரிக்ஷா மாமா படத்தில் குழந்தை நட்சத்திரமாக அறிமுகமாகி பிறகு தமிழ், தெலுங்கு, கன்னட மொழிகளில் ஹீரோயினாக வலம் வந்தவர் ஸ்ரீதேவி விஜயக்குமார். 

தமிழில் காதல் வைரஸ், பிரியமான தோழி, தித்திக்குதே, தேவதையை கண்டேன் ஆகிய படங்களில் நடித்தார். பிறகு தெலுங்கில் பல படங்களில் நடித்தார்.

2009 ல் ராகுல் என்பவரை திருமணம் செய்து கொண்ட ஸ்ரீதேவி, திருமணத்திற்கு பிறகும் பல படங்களில் நடித்தார். கடைசியாக 2016 ல் லஷ்மணா என்ற கன்னட படத்தில் நடித்தார்.

தற்போது ஸ்டார் மா டிவி.,யில் காமெடி ஸ்டார்ஸ் நிகழ்ச்சிக்கு நடுவராக இருந்து வரும் ஸ்ரீதேவி, அழகழகாய் ஃபோட்டோஷுட் நடத்திய ஃபோட்டோக்களை இன்ஸ்டாகிராமில் வெளியிட்டு வருகிறார்.

புடவை, மாடர்ன் என விதவிதமான உடைகளில் ஃபோட்டோஷுட் நடத்திய ஃபோட்டோக்களுடன் வீடியோக்களையும் வெளியிட்டு ரசிகர்களை கவர்ந்து வருகிறார் ஸ்ரீதேவி.

இதற்கு முன் தனது குடும்ப ஃபோட்டோக்கள், குடும்ப விழாக்கள், மகிழ்ச்சியான தருணங்களின் ஃபோட்டோக்களை மட்டுமே அதிகம் வெளியிட்டு வந்த ஸ்ரீதேவி, தற்போது ஃபோட்டோஷுட் நடத்தி அசத்தி வருகிறார்.