பிறந்தநாள் கொண்டாடும் வரூ... நாமும் வாழ்த்துவோம்!

சிம்புவுடன் போடா போடி படத்தின்மூலம் அறிமுகமானவர் வரலட்சுமி சரத்குமார். இன்று அவர் தனது பிறந்தநாளை கொண்டாடி வருகிறார்.

இவரது நடிப்பில் உருவாகிவரும் ஹனுமான் படத்தின் போஸ்டர் சமீபத்தில் வெளியானது. மிரட்டலான இந்த படத்தில் அஞ்சம்மா என்ற கேரக்டரில் இவர் நடித்து வருகிறார்.

இவரது பிறந்தநாளையொட்டி இவருடைய நடிப்பில் உருவாகிவரும் ஆத்யா படத்தின் பர்ஸ்ட் லுக் போஸ்டர் வெளியாகியுள்ளது. மழையில் நனைந்தபடி இவர் கொடுத்துள்ள போஸ் சிறப்பாகவும் மிரட்டலாகவும் அமைந்துள்ளது.

இன்றைய தினம் வரலட்சுமியின் பிறந்தநாளையொட்டி திரையுலக பிரபலங்கள் பலர் வாழ்த்துக்களை பகிர்ந்து வருகின்றனர்.

வரலட்சுமியின் தந்தையும் பிரபல நடிகருமான சரத்குமாரும் ட்விட்டர் மூலம் தனது வாழ்த்துக்களை பகிர்ந்துள்ளார்.

அவர் சூட்டிங்கில் வெளியூரில் பிசியாக இருப்பதால் வரலட்சுமியுடன் நேரத்தை செலவிட முடியவில்லை என்று தெரிவித்துள்ளார்.

சரத்குமாரின் மனைவியான ராதிகாவும் வரலட்சுமியின் பிறந்ததினத்தையொட்டி வாழ்த்து தெரிவித்துள்ளார். புகைப்படங்களையும் பகிர்ந்துள்ளார்.